Лінкі ўнівэрсальнага доступу

logo-print

Ужо сёньня, 1 ліпеня: Харватыя ў Эўразьвязе; у Віцебску прысуд Андрэю Гайдукову


Андрэй Гайдукоў

Андрэй Гайдукоў

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Чакаецца прысуд Андрэю Гайдукову ў справе, якая праходзіць за зачыненымі дзьвярыма.

Цэнтар аналітычных ініцыятыў «Лібэральнага клюбу» арганізуе панэльную дыскусію на тэму «Адносіны Беларусі і ЭЗ: дэжавю напярэдадні лістападаўскага саміту Ўсходняга партнэрства ў Вільні». Канфэрэнц-заля гатэля «Эўропа». Пачатак у 19.30. Удзел прыме Майра Мора, кіраўнік Прадстаўніцтва ЭЗ у Беларусі.

Харватыя становіцца 28 краінай-сябрам Эўразьвязу.

Шасьцімесячнае старшынёўства ў Эўразьвязе пачынае Літва.

У Страсбуры на пленарнае пасяджэньне зьбіраецца Эўрапейскі парлямэнт.

У Вене пачынаецца пяцідзённая канфэрэнцыя МАГАТЭ па ядзернай бясьпецы.

Прэзыдэнт Ірану Махмуд Ахмадзінэжад зь візытам у Маскве.


ГЭТЫ ДЗЕНЬ У ГІСТОРЫІ

1569 — заключана Люблінская унія паміж Каралеўствам Польскім і Вялікім Княствам Літоўскім.

1812 — Напалеон абвясьціў узнаўленьне Вялікага Княства Літоўскага і стварыў часовы ўрад Вялікага Княства Літоўскага.

Відэа Будзьма

1858 — упершыню агучаная тэорыя эвалюцыі Чарльза Дарвіна, згодна зь якой ўсе віды разьвіліся зь цягам часу з агульных прародзічаў праз працэс натуральнага адбору. Наяўнасьць эвалюцыі ў прыродзе была прызнаная навуковай супольнасьцю яшчэ пры жыцьці Дарвіна, але тэорыя натуральнага адбору стала агульнапрызнаным тлумачэньнем эвалюцыйнага працэсу толькі ў 1930-я.

1927 — нарадзілася Зора Кіпель, бібліёграф, літаратуразнаўца, публіцыстка, грамадзка-культурная дзяячка эміграцыі ў ЗША.

1940 — у савецкім канцлягеры загінуў Уладзімер Хадыка, беларускі паэт і перакладчык.

1963 — брытанскі ўрад прызнае, што Кім Фільбі працаваў як савецкі агент. Кім Фільбі нарадзіўся ў 1912 годзе ў Індыі. Быў завэрбаваны савецкай выведкай у 1934 годзе. У 1940 паступіў на службу ў брытанскую выведку. У 1944 стаў кіраўніком 9-га аддзела брытанскай выведкі, які займаўся савецкай і камуністычнай дзейнасьцю ў Вялікабрытаніі. Толькі за час вайны перадаў у Маскву 914 дакумэнтаў. З 1947 па 1949 гады ўзначаліў рэзыдэнтуру ў Стамбуле, з 1949 па 1951 — місію сувязі ў Вашынгтоне, дзе ўсталёўваў кантакты з кіраўнікамі ЦРУ і ФБР і каардынаваў сумесныя дзеяньні ЗША і Вялікабрытаніі па барацьбе з камуністычнай пагрозай. 23 студзеня 1963 Філбі нелегальна пераправілі ў СССР, дзе да канца жыцьця ён жыў у Маскве на пэрсанальную пэнсію. Памёр у 1988.



ЦЫТАТЫ НА ПАМЯЦЬ

«Малпа, ап’янеўшы аднойчы ад брэндзі, ніколі да яго больш не дакранецца. І ў гэтым малпа больш разумная ад большасьці людзей».

«Чалавек мае тэндэнцыю да росту ў большай ступені, чым яго сродкі да існаваньня».

«Выжывае ня самы моцны і ня самы разумны, а той, хто лепш за ўсіх прыстасоўваецца да зьменаў».


Чарльз Дарвін
XS
SM
MD
LG