Лінкі ўнівэрсальнага доступу

Прэзыдэнт Бразыліі ідзе на саступкі пратэстоўцам


Дзілма Русэф

Дзілма Русэф

Прэзыдэнт Бразыліі Дзілма Русэф прапанавала правесьці рэферэндум пра зьмену палітычнай сыстэмы краіны.

Прапанаваныя прэзыдэнткам зьмены ўключаюць палітычную рэформу, кантроль за бюджэтам, а таксама дадатковыя выдаткі на адукацыю, ахову здароўя і грамадзкі транспарт.

Русэф таксама хоча арганізаваць рэфэрэндум, каб заснаваць Канстытуцыйны сход, які павінен зьмяніць асноўны краіны.

«Мой урад прыслухоўваецца да голасу дэмакратыі, — заявіла яна на прэсавай канфэрэнцыі. — Нам трэба навучыцца чуць голас вуліц. Усім нам без выключэньня трэба зразумець, якія ідуць адтуль сыгналы».

«Бразылія гатовая рухацца наперад, і людзі выразна далі зразумець, што іх не задавальняе цяперашняе становішча», — дадала Русэф.

Больш за мільён бразыльцаў прынялі ўдзел у вулічных акцыях, пратэстуючы супраць росту цэнаў, карупцыі чыноўнікаў і неапраўданых, на іхную думку, бюджэтных выдаткаў на Чэмпіянат сьвету па футболе 2014 году.

Напярэдадні Русэф правяла сустрэчу з губэрнатарамі ўсіх 26 штатаў краіны і мэрамі буйных гарадоў.

Прэзыдэнтка таксама сустрэлася зь лідэрамі пратэстоўцаў, каб абмеркаваць іх патрабаваньні.

Зрэшты, па словах адной зь лідарак дэманстрантаў, Русэф не прапанавала нічога канкрэтнага, таму «барацьба будзе працягвацца».

Увечары ў панядзелак у некалькіх гарадах працягваліся акцыі пратэсту, аднак яны не былі такімі маштабнымі, як раней, адзначае ВВС.


Акцыі пратэсту ў Бразыліі


XS
SM
MD
LG