Лінкі ўнівэрсальнага доступу

Ужо сёньня, 25 чэрвеня: 10 год таму зьліквідаваны Коласаўскі ліцэй, дзень народзінаў Оруэла


Джордж Оруэл

Джордж Оруэл

Гэты дзень у Беларусі, сьвеце, гісторыі

Падзеі дня

Менск — літаратурны музэй Максіма Багдановіча і выдавецтва «Логвінаў» ладзяць вечарыну «Я кнігу маю...», прысьвечаныя кнігадрукаваньню. Пачатак а 18-ай.

Віцебск — прэзэнтацыя Беларускай Інтэрнэт-Бібліятэкі Kamunikat.org (вул. 1-я Сененская 5) , пачатак 17.30.

Нью-Дэлі — візыт дзяржсакратара ЗША Джона Кэры ў Індыю

Жэнэва — чарговы раўнд перамоваў паміж Грузіяй і Расеяй

Гэты дзень у гісторыі

1840 — загадам расейскага цара Мікалая I на тэрыторыі Беларусі ўведзенае імпэрскае заканадаўства. Канчаткова спыненае дзеяньне Трэцяга статуту ВКЛ

1925 — У Сэйме Польшчы пасьля расколу Беларускага пасольскага клюбу заснаваны пасольскі клуб пад назвай Беларуская сялянска-работніцкая грамада.

1946 — Пачаў сваю дзейнасць Сусьветны банк

1950 — Пачалася Карэйская вайна

Беларускі Коласаўскі ліцэй. Заняткі ў падпольлі

Беларускі Коласаўскі ліцэй. Заняткі ў падпольлі

1953 — У Маскве арыштаваны Лаўрэнцій Берыя.

1975 — Мазамбік атрымаў незалежнасьць ад Партугаліі

2003 — Ліцэй імя Якуба Коласа фармальна зьліквідаваны



У гэты дзень нарадзіліся

1852 — Антоніё Ґаўдзі-і-Карнэт, гішпанскі архітэктар. Свае найбольш вядомыя праекты ажыцьцявіў у Барсэлёне.



1903 — Джордж Оруэл, ангельскі пісьменьнік

Фільм "1984" Паводле Оруэла


1905 — Пятрусь Броўка, беларускі грамадзкі дзяяч, пісьменьнік, паэт і перакладнік. Быў галоўным рэдактарам першай энцыкляпэдыі ў 12-ці тамах.

1911 — Феафіл Анісовіч, беларускі мастак дэкаратыўна-ўжытковага мастацтва

1938 — Валянцін Лукашоў, беларускі геахімік, чалец-карэспандэнт, доктар геоляга-мінэралягічных навук, прафэсар

У гэты дзень памерлі

1834 — Мікалай Ян Манугевіч, суфраган варшаўскі

1966 — Язэп Бельскі, савецкі партыйны і прафсаюзны дзяяч, адзін з арганізатараў партызанскага руху ў Менскай вобласьці ў гады Вялікай Айчыннай вайны

1974 — Янка Раманоўскі, беларускі мастак, пляменьнік Янкі Купалы. З нараджэньня і па 1941 год жыў у доме Янкі Купалы ў Менску і на дачы ў Ляўках. Гэта прычынілася да таго, што большая частка мастацкай спадчыны Я. Раманоўскага была зьвязаная з адлюстраваньнем жыцьцёвага і творчага шляху Я. Купалы. З натуры маляваў партрэты паэта, яго сваякоў і знаёмых, купалаўскія мясьціны ў Менску і Ляўках. Быў сярод першых беларускіх мастакоў, хто засвоіў новую па тым часе тэхніку — афорт

2009 — Майкал Джэксан, амэрыканскі сьпявак



2009 — Зінаіда Стагурская, беларуская раварыстка

Цытата на памяць

«У Эўропе камунізм паўстаў, каб зьнішчыць капіталізм, але ўжо празь некалькі гадоў вырадзіўся ў прыладу расейскай зьнешняй палітыкі».

Джордж Оруэл
XS
SM
MD
LG