Як ужо паведамлялася, у Маскве мінулай ноччу быў захоплены офіс руху «За правы чалавека». Кіраўнік арганізацыі Леў Панамароў у інтэрвію Свабодзе паведаміў, што падчас штурму офісу ў яго ўварваліся ад васьмі да дзесяці чалавек. Супрацоўнікам не было прапанавана выйсьці, іх білі нагамі, пасьля чаго, па словах Панамарова, "выкінулі на асфальт". Пры гэтым у офіс ня змог прайсьці ніводзін адвакат.
Пасьля выкіданьня праваабаронцаў з заявамі аб зьбіцьці ў паліцыю зьвярнуліся сямёра пацярпелых. У паліцыі заяўляюць, што не ўжывалі сілавых мер пры вызваленьні памяшканьня.
Амбасадар ЗША ў Расеі Майкл Макфол заявіў, што ў Вашынгтоне занепакоеныя інфармацыяй аб захопе офісу некамэрцыйнай арганізацыі "За правы чалавека" у Маскве. Макфол зрабіў запіс у сваім Твітэры, у якім назваў захоп офіса яшчэ адным выпадкам запалохваньня грамадзянскай супольнасьці ў Расеі.
Кіраўнік Маскоўскай Хэльсынскай групы Людміла Аляксеева ў інтэрвію Свабодзе назвала тое, што адбылося "абрыдлівай, вельмі грубай, абуральнай акцыяй з боку ўладаў».
Пасьля выкіданьня праваабаронцаў з заявамі аб зьбіцьці ў паліцыю зьвярнуліся сямёра пацярпелых. У паліцыі заяўляюць, што не ўжывалі сілавых мер пры вызваленьні памяшканьня.
Амбасадар ЗША ў Расеі Майкл Макфол заявіў, што ў Вашынгтоне занепакоеныя інфармацыяй аб захопе офісу некамэрцыйнай арганізацыі "За правы чалавека" у Маскве. Макфол зрабіў запіс у сваім Твітэры, у якім назваў захоп офіса яшчэ адным выпадкам запалохваньня грамадзянскай супольнасьці ў Расеі.
Кіраўнік Маскоўскай Хэльсынскай групы Людміла Аляксеева ў інтэрвію Свабодзе назвала тое, што адбылося "абрыдлівай, вельмі грубай, абуральнай акцыяй з боку ўладаў».
