Лінкі ўнівэрсальнага доступу

«Пахаджане» Васіля Быкава выйшлі па-украінску


У выдавецтве «Бурштнын» гораду Луганск ва Ўкраіне выйшла кніга «Байки сьвітові», якую склалі перакладзеныя на ўкраінскую мову прыпавесьці Васіля Быкава.

Зборнік прыпавесьцяў Васіля Быкава «Пахаджане» быў выдадзены ў 1999 годзе. На ўкраінскую мову іх пераклаў Дзьмітрый Шчарбіна. Прадмову да ўкраінскага выданьня напісаў Ігар Альшэўскі, член Нацыянальнага саюзу пісьменьнікаў Украіны.

Выхад кнігі супаў са значнымі датамі жыцьця Васіля Быкава: 19 чэрвеня — дзень яго нараджэньня, а 22 чэрвеня — дзень сьмерці.

На сайце Кангрэсу літаратараў Украіны з гэтай прычыны гаворыцца: «Такім чынам, ёсьць магчымасьць успомніць пра гэта, дакрануцца да творчасьці пісьменьніка, зьвярнуцца да яго філязофскага, глыбока псыхалягічнага пункту гледжаньня на жыцьцё, на такія вечныя каштоўнасьці, як праўда, сумленьне, патрыятызм, чалавечнасьць».
XS
SM
MD
LG