Шэсьцьдзесят гадоў таму, 19 чэрвеня 1953 года пара Этэль і Юліус Розэнбэргі былі пакараныя сьмерцю ў штаце Н’ю-Ёрк па абвінавачваньні ў змове з мэтай шпіянажу. Яны былі асуджаныя па абвінавачваньні ў перадачы Савецкаму Саюзу інфармацыі, якая дапамагла стварэньню савецкай атамнай бомбы. Розэнбэргі былі першымі цывільнымі асобамі, пакаранымі за шпіянаж у гісторыі ЗША. Некаторыя лічаць іх пакараньне вынікам распальваньня антыкамуністычнай параноі.
Пакараныя сьмерцю за шпіянаж
абноўлена
1
Юліус Розэнбэрг у паліцэйскім фургоне ў Нью-Ёрку пасьля арышту ў 1950 годзе. Даўні прыхільнік камуністычнай ідэалёгіі ён быў завэрбаваны савецкай разьведкай падчас яго службы ў арміі ЗША падчас Другой Сусьветнай вайны.
2
Агенты ФБР вядуць Юліуса Розэнбэрга неўзабаве пасьля яго арышту. Брат яго жонкі, Дэвід Грынглас, прызнаўся ў шпіёнскай дзейнасьці і паведаміў, што ў яго шпіёнскую сетку ўваходзіў Розэнбэрг.
3
Пазьней зьявіліся доказы, што Юліус Розэнбэрг фактычна быў кур’ерам і вярбоўшчыкам савецкай выведкі. Але датычнасьць да шпіёнскай дзейнасьці Этэль Розэнбэрг была менш пэўнай, магчыма, яна толькі вяла нататкі для мужа
4
Арышт Розэнбэргаў спрыяў выбуху антыкамуністычных пачуцьцяў у ЗША ў 1950-я гады. Юліус Розэнбэрг сказаў: «Суд над намі павінен быў узмацніць істэрыю ў ЗША, каб зрабіць карэйскую вайну прымальным для амэрыканскага народа»
5
Этэль і Юліус Розэнбэргі незадоўга да выкананьня прысуду над імі. .
6
Сінг-Сінг, турма ў Н’ю-Ёрку, месца пакараньня сьмерцю Розэнбэргаў. Каля 5000 чалавек сабраліся ў Нью-Ёрку ў ноч пакараньня, каб выказаць сваю падтрымку Розэнбэргам, пакараньне якім многія лічылі празьмерным.
7
Сафі Розэнбэрг, маці Юліуса Розэнбэрга, са сваімі ўнукамі Майклам і Робэртам, у 1954 годзе, праз восем месяцаў пасьля сьмерці іх бацькоў.
Катэгорыі
- Мультымэдыя
- Відэа
