Лінкі ўнівэрсальнага доступу

Ужо сёньня, 18 чэрвеня: прэзэнтацыя электроннага выданьня «Брэсцкая Біблія: да 450-годзьдзя выданьня»


Гэты дзень у Беларусі, сьвеце, гісторыі

Падзеі ў Беларусі і ў сьвеце

Менск — у офісе БНФ (Мінск, вул. Чарнышэўскага, д. 3) вечарына памяці Віктара Ганчара, пачатак а 19-ай

У Цэнтральнай навуковай бібліятэцы імя Якуба Коласа Нацыянальнай акадэміі навук (вул. Сурганава, 15) адбудзецца прэзэнтацыя электроннага выданьня «Брэсцкая Біблія: да 450-годзьдзя выданьня». Пачатак а 15-ай.

Кіеў — візыт Аляксандра Лукашэнкі ва Украіну

Бэрлін — візыт прэзыдэнта ЗША Барака Абамы ў Нямеччыну

Гэты дзень у гісторыі

1586 — Нясьвіж атрымаў герб

1815 — бітва пад Ватэрлоо

1940 — Шарль дэ Голь выступіў па радыё з заклікам да французскага народа працягваць змаганне з нацысцкімі захопнікамі

1981 — свой першы палёт здзейсніў самалёт F-117 Nighthawk



1989 — заснаваны Ліцэй БДУ

Нарадзіліся

1806 — Міхаіл Валовіч, удзельнік паўстання 1830-1831 гадоў. У вёсцы Парэчча, побач з вуніяцкай царквой, якую збудавалі Валовічы, стаяў крыж у гонар М. Валовіча і 12 паўстанцаў, якія загінулі ў барацьбе супраць расейскага імпэрыялізму. Аднак у 2003 сьвятар Маскоўскага патрыярхату, які прыехаў у прыход з Прыднястроўя, загадаў выкапаць крыж. Пазьней крыж адшукалі побач са Шчарай і паставілі на могілках

1812 — Іван Ганчароў, рускі пісьменнік

1889 — Уладзімір Каліноўскі, беларускі грамадска-палітычны дзеяч, публіцыст, гісторык Быў вядомы сярод беларускіх сялянаў, дапамагаў ім у юрыдычных пытаньнях. Узначаліў у 1922 Беларускі выбарчы камітэт у Ваўкавыску па Беластоцкай акрузе[2]. Абраны паслом Сойму зь Беластоцка-Сакольскай акругі ад Блёку нацыянальных Меншасьцяў. Польскі суд 23 чэрвеня 1923 ануляваў яго дэпутацкі мандат прызнаўшы, што Каліноўскі ня мае польскага грамадзянства. У ліпені 1923 Каліноўскі быў арыштаваны і высланы з Польшчы.

1911 — Аляксандр Шыдлоўскі, беларускі культурны дзеяч, кампазітар (пам. 26.9.2002)

1949 — Лех Качыньскі, былы прэзыдэнт Польшчы

Лех Качыньскі

Лех Качыньскі



1949 — Яраслаў Качыньскі, былы польскі прэм'ер і палітык

1974 — Вінчэнца Мантэла, былы італьянскі прафэсійны футбаліст, нападнік

1979 — Аляксей Грышын, беларускі фрыстайліст

1986 — Аляксандар Валадзько, беларускі футбаліст

У гэты дзень памерлі

1928 — Руаль Амундсэн (н. 1872), нарвэскі палярны дасьледнік, падарожнік і першаадкрывальнік

1936 — Максім Горкі, расейскі пісьменьнік

1957 — Вітольд Бялыніцкі-Біруля, адзін з найлепшых беларускіх жывапісцаў-пэйзажыстаў

1991 — Юльёнас Сьцепанавічус, летувіскі рымска-каталіцкі дзеяч

2011 — Алена Бонэр, савецкі праваабаронца, жонка акадэміка Андрэя Сахарава


Цытата на памяць

Няма нічога больш небясьпечнага ў барацьбе ідэй, чым так званы падыход «рэальнай палітыкі», які наклікаў на нас у мінулым так шмат няшчасцяў
Алена Бонэр
XS
SM
MD
LG