Аналізуючы сытуацыю ў эканоміцы на паседжаньні ўраду, прэм’ер-міністар Міхаіл Мясьніковіч канстатаваў, што мэтавыя паказчыкі па тэмпах эканамічнага росту не выконваюцца ўсімі рэгіёнамі. ВУП краіны за 5 месяцаў вырас на 1,1% пры гадавым пляне 8,5%. У Віцебскай і Магілёўскай абласьцях, Менску валавы рэгіянальны прадукт скараціўся, Гомельская вобласьць працуе на ўзроўні мінулага году. Дзяржава недаатрымала 11 трыльёнаў дададзенай вартасьці — заработнай платы, падаткаў, прыбытку, адзначыў Міхаіл Мясьніковіч:
«Калі б гэтыя рэгіёны выканалі заданьні, ВУП краіны вырас бы на 6%. Мяне вельмі турбуе адсутнасьць ініцыятываў і працы на пэрспэктыву, — заявіў Міхаіл Мясніковіч. — Адбыўся разрыў кампэтэнцыі. Службовыя асобы на ніжэйшых узроўнях пасіўныя, не працуюць над сваім разьвіцьцём, ухіляюцца ад прыняцьця неабходных рашэньняў, чакаюць камандаў і ўзгадненьняў ад вышэйстаячых органаў. У выніку інтэлект кіраўнікоў рэгіёнаў і міністраў ідзе на правядзеньне мясцовых плянэрак, даведкі, справаздачы, а жывой працы няма. Няма працы з кадрамі», — цытуе Мясьніковіча БелТА.
Мясьніковіч нагадаў, што ва ўрадзе за ВУП адказвае Міністэрства эканомікі, аднак ініцыятыўнай працы зь яго боку няма.
«Калі б гэтыя рэгіёны выканалі заданьні, ВУП краіны вырас бы на 6%. Мяне вельмі турбуе адсутнасьць ініцыятываў і працы на пэрспэктыву, — заявіў Міхаіл Мясніковіч. — Адбыўся разрыў кампэтэнцыі. Службовыя асобы на ніжэйшых узроўнях пасіўныя, не працуюць над сваім разьвіцьцём, ухіляюцца ад прыняцьця неабходных рашэньняў, чакаюць камандаў і ўзгадненьняў ад вышэйстаячых органаў. У выніку інтэлект кіраўнікоў рэгіёнаў і міністраў ідзе на правядзеньне мясцовых плянэрак, даведкі, справаздачы, а жывой працы няма. Няма працы з кадрамі», — цытуе Мясьніковіча БелТА.
Мясьніковіч нагадаў, што ва ўрадзе за ВУП адказвае Міністэрства эканомікі, аднак ініцыятыўнай працы зь яго боку няма.