Лінкі ўнівэрсальнага доступу

«Новае жыцьцё» зноў высяляюць. Пастар — у рэанімацыі


Будынак царквы «Новае жыцьцё»

Будынак царквы «Новае жыцьцё»

Судовы выканаўца Гаспадарчага суду Менску патрабуе, каб царква «Новае жыцьцё» цягам сямі дзён вызваліла памяшканьне па вуліцы Кавалёва, 72.

Пра гэта гаворыцца ў позьве аб пачатку выканаўчай вытворчасьці адносна царквы, атрыманай вернікамі 13 чэрвеня.

Рашэньне прынятае судом на падставе заявы ЖРЭА Маскоўскага раёну сталіцы. Такога ж зьместу ліст царква атрымала 27 лістапада 2012 году. Тады цягам васьмі дзён вернікі маліліся за вырашэньне сытуацыі і напярэдадні прызначанай даты высяленьня ЖРЭА адклікала свае патрабаваньні.

Юрыст царквы «Новае жыцьцё» Сяргей Луканін адзначыў, што ў 2009 годзе рашэньнем Гаспадарчага суду Менску будынак царквы быў перададзены ва ўласнасьць ЖРЭА Маскоўскага раёну: «І пакуль правы на будынак па дакумэнтах належаць ЖРЭА, гэтая арганізацыя мае права патрабаваць выкананьня рашэньня суду».

Сяргей Луканін (зьлева) і Вячаслаў Ганчарэнка, архіўнае фота

Сяргей Луканін (зьлева) і Вячаслаў Ганчарэнка, архіўнае фота

Сяргей Луканін апавёў карэспандэнту Свабоды: «Мы вельмі абураныя, што такое зноў зьявілася. Бо ў сьнежні мінулага году была такая ж сытуацыя, калі мы атрымалі такую ж пастанову з Гаспадарчага суду Менску, якая прымушала нас пакінуць наш будынак. Але пасьля таго як царква тыдзень стаяла ў малітве, нам прыйшла іншая папера, дзе было напісана, што ЖРЭА Маскоўскага раёну, якое па дакумэнтах зьяўляецца ўласьнікам нашага будынку, адклікала свой пазоў. І папрасіла судовага выканаўцу, каб справу здалі ў архіў. Але цяпер зноў тая ж самая гісторыя, на жаль, паўтараецца.

Тое, што адбываецца цяпер, адбываецца на фоне кепскага адчуваньня нашага пастара Вячаслава, які цяпер знаходзіцца ў рэанімацыі. Мы мяркуем, што гэта не выпадкова. Нягледзячы на гэта, царква, канечне ж, ня будзе вызваляць будынак.

Цяпер адбываецца малітва ў нашай царкве, і малітвы будуць штодзённымі. На гэтыя выходныя пройдзе сьвята — дзень народзінаў нашай царквы. Нам 21 год. І нягледзячы на тое, што пастар знаходзіцца ў рэанімацыі і што нам прыйшла пастанова з Гаспадарчага суду, мы ўсё роўна будзем адзначаць наша сьвята. Перад людзьмі і перад Госпадам будзем маліцца і верыць, што Бог і на гэты раз нас выратуе».

Пастар царквы Вячаслаў Ганчарэнка цяпер знаходзіцца ў рэанімацыі. У яго здарыўся ішэмічны мікраінсульт (магчыма, інсульт). Акрамя гэтага, у яго выявілі тромб у сасудзе галаўнога мозгу ў месцы, не даступным для апэрацыі. У другой палове дня стан Ганчарэнкі пагоршыўся, паведамілі ў «Новым жыцьці»

Паказаць камэнтары

XS
SM
MD
LG