Лінкі ўнівэрсальнага доступу

Галоўнае гаспадарчае ўпраўленьне пры прэзыдэнту Беларусі скасавала дамову арэнды памяшканьняў з рэспубліканскім моладзевым грамадзкім аб’яднаньнем «Сустрэча».

Аб’яднаньне выселілі з памяшканьня ў Менску, дзе знаходзіцца яго юрыдычны адрас. Гэта можа прывесьці да ліквідацыі аб’яднаньня «Сустрэча», паведаміў карэспандэнту Свабоды старшыня яго рады Алег Яромін:

«На 18 чэрвеня ўжо прызначаны аўкцыён, і мы зноў будзем прэтэндаваць на гэтае памяшканьне, зь якога мы вывезьлі ўсю мэблю й іншыя рэчы. Паводле закону юрыдычны адрас захоўваецца цягам двух месяцаў пасьля скасаваньня дамовы арэнды. Калі за гэты час мы ня знойдзем новага памяшканьня, тады ў нас будуць сур’ёзныя праблемы. Нас высяляюць, парушаючы дамову аб арэндзе, якая была заключана на тры гады і яшчэ дзейнічае. Мы стала плацілі за арэнду. Мы прасілі не скасоўваць дамову арэнды, але ніякага адказу не атрымалі. Сваёй пячаткі і подпісу пад дамовай аб скасаваньні дамовы арэнды я ня ставіў. Але пры гэтым памяшканьне ўжо выстаўлена на аўкцыён».

Карэспандэнт: «Ці магчыма знайсьці іншае памяшканьне?»

Яромін: «Знайсьці няцяжка, але па цане ад 27 эўра і вышэй. А па 12–15 эўра знайсьці вельмі цяжка».

Карэспандэнт: «Вам патлумачылі, чаму вас высяляюць?»

Яромін: «Не, хоць я двойчы зьвяртаўся да начальніка ўпраўленьня будынкаў рэспубліканскай уласнасьці Аляксандра Прылішча. Яны проста казалі — маўляў, хочуць, і ўсё, а тлумачыць ня будуць».

Галоўнае гаспадарчае ўпраўленьне пры прэзыдэнту ініцыявала скасаваньне дамоваў арэнды і ў некаторых іншых гарадах Беларусі, дзе існуюць ананімна-кансультацыйныя пункты «Сустрэчы».
На думку кіраўніцтва «Сустрэчы», такія дзеяньні ўладаў выкліканыя тым, што арганізацыя займаецца прафіляктыкай ВІЧ/СНІД сярод мужчын, якія займаюцца сэксам з мужчынамі

На думку кіраўніцтва «Сустрэчы», такія дзеяньні ўладаў выкліканыя тым, што "арганізацыя займаецца прафіляктыкай ВІЧ/СНІД сярод мужчын, якія займаюцца сэксам з мужчынамі".

Старшыня рады Алег Яромін патлумачыў, што «Сустрэча» — унікальная, адзіная ў краіне арганізацыя, якая дае доступ да пэўных паслугаў у галіне прафіляктыкі ВІЧ-інфэкцыі. «Сустрэча» не займаецца палітычнай дзейнасьцю і заўсёды супрацоўнічала зь дзяржавай дзеля процідзеяньня эпідэміі СНІД у краіне.

«Сустрэча» дзейнічае ў сфэры прафіляктыкі СНІД з 1998 году. Яна арганізуе ананімную дыягностыку і кансультаваньне. Яе прафіляктычнай дапамогай за апошнія два гады скарысталіся амаль адзінаццаць тысяч чалавек.

Паказаць камэнтары

XS
SM
MD
LG