Падзеі дня:
Менск — на плошчы Якуба Коласа ў межах праекту «Мастак і горад» выстава рэпрадукцыяў Казіміра Малевіча. Пачатак а 18-ай.
Менск — дыскусія «Навошта мы прыгадваем пра савецкае мінулае?». Галерэя сучаснага мастацтва «Ў», пачатак а 17-ай.
Бялград — пачатак візыту прэзыдэнта Украіны Віктара Януковіча
Гэты дзень у гісторыі:
1757 — у Віцебску згарэў Ніжні замак, які больш не аднаўляўся.
1867 — польскі тэрарыст Беразоўскі зрабіў замах на расейскага цара Аляксандра II.
1944 — падчас Другой сусьветнай вайны войскі Вялікабрытаніі і ЗША высадзіліся ў Францыі, адкрыты Другі фронт.
У гэты дзень нарадзіліся:
1799 — Аляксандар Пушкін, паэт і пісьменьнік.
1841 — Эліза Ажэшка, пісьменьніца.
1875 — Томас Ман, пісьменьнік, ляўрэат Нобэлеўскай прэміі.
1950 — Аляксей Дудараў, драматург.
У гэты дзень памёрлі:
1934 — Браніслаў Эпімах-Шыпіла, мовазнаўца і выдавец. Пасьля таго, як урад Расейскай імпэрыі зьняў забарону з ужываньня беларускае мовы, Б. Эпімах-Шыпіла стаў адным зь ініцыятараў стварэньня першае й найбуйнейшай за апошнія некалькі стагодзьдзяў выдавецкае суполкі «Загляне сонцэ і ў нашэ ваконцэ». У 1908 годзе Б. Эпімах-Шыпіла адабраў для публікацыі вершы Янкі Купалы. Гэтыя творы былі адрэдагаваныя самім выдаўцом і склалі першы зборнік маладога літаратар «Жалейка».
1980 — Генры Мілер, пісьменьнік.
2011 – Уладзімер Конан, філёзаф, гісторык, літаратурны крытык. Ляўрэат Дзяржаўнай прэміі Беларусі 1984 году за ўдзел у напісаньні цыклю калектыўных манаграфій па гісторыі філязофскай і грамадзка-палітычнай думкі Беларусі. Дасьледаваў тэарэтычна-мэтадалягічныя праблемы філязофіі і культуралёгіі, гісторыю эстэтычнай думкі, гісторыю беларускай культуры, беларускі фальклёр.
Цытата на памяць
«Наш страх — гэта крыніца сьмеласьці для нашых ворагаў»
Томас Ман