ПАДЗЕІ ДНЯ
Працяг візыту ў Беларусь прадстаўніка АБСЭ па свабодзе СМІ Дуні Міятавіч, сустрэчы з кіраўнікамі камісій палаты прадстаўнікоў. Пачатак у 12.00.
Візыт у Беларусі намесьніка прэм'ер-міністра – міністра замежных спраў Лаосу Тхолунга Сісуліта.
Жэнэва (Швэйцарыя), сэсія Рады ААН у правах чалавека, у пасяджэньні бярэ ўдзел беларуская дэлегацыя.
Екацерынбург, завяршэньне саміту Эўразьвяз-Расея.
Брусэль, абвяшчэньне прыярытэтаў літоўскага старшыняваньня ў Эўразьвязе.
ГЭТЫ ДЗЕНЬ У ГІСТОРЫІ
469 да н. э. – нарадзіўся Сакрат, старажытнагрэцкі філёзаф.
1798 – памёр Джакама Казанова, італьянскі авантурнік, падарожнік і пісьменьнік.
1872 – памёр Станіслаў Манюшка, польскі і беларускі кампазытар.
1918 – апублікаваная «Беларуская граматыка для школ» Браніслава Тарашкевіча.
1948 – у Канстанцы (Бадэн-Вюртэнбэрг, Нямеччына) пачаўся Першы сабор Беларускай Аўтакефальнай Праваслаўнай царквы на эміграцыі, на якім гэтая царква была адноўленая.
1952 – памёр Язэп Варонка, адзін з стваральнікаў Беларускай Народнай Рэспублікі.
1952 – нарадзіўся Браніслаў Камароўскі, дзейны прэзыдэнт Польшчы.
1986 – памерла Канстанцыя Буйла, беларуская паэтка.
1989 – у Польшчы адбыліся першыя часткова свабодныя парлямэнцкія выбары.
1989 – на пэкінскай плошчы Цяньаньмэнь зьявіліся танкі і студэнцкі рух за дэмакратычныя свабоды ў Кітаі быў патоплены ў крыві.
ЦЫТАТА ДНЯ
Люблю наш край — старонку гэту,
Дзе я радзілася, расла,
Дзе першы раз пазнала шчасьце,
Сьлязу нядолі праліла.
Канстанцыя Буйла