ПАДЗЕІ ДНЯ
Менск. У офісе партыі БНФ адбудзецца круглы стол, прысьвечаны 25-м угодкам адкрыцьця Курапатаў. Пачатак а 15.00.
Менск. У офісе партыі БНФ адбудзецца прэзэнтацыя кнігі-расьсьледаваньня Алега Грузьдзіловіча «Хто ўзарваў Менскае мэтро?» (сэрыя «Бібліятэка Свабоды»). Пачатак а 17.00.
Менск. У офісе Аб'яднанай грамадзянскай партыі (вул. В. Харужай, д. 22, оф. 1701) адбудзецца сустрэча зь вядомым кінадакумэнталістам Юрыем Хашчавацкім. Рэжысэр пакажа свой фільм «Лабатамія» і адкажа на пытаньні прысутных. Пачатак а 18.30.
Менск. У кнігарні «логвінаЎ» выступіць джазавы калектыў Apple Tea («Яблычны чай»). А таксама адбудзецца прэзэнтацыя кнігі Алеся Сапегі «Яблычны чай упрыкуску», зборніка фрашак з жыцьця музыкаў. Пачатак а 19.00. Уваход вольны.
Менск. У Палацы спорту з 1 па 9 чэрвеня працягваецца Чэмпіянат Эўропы па боксе.
Нью-Ёрк. У ААН адкрываецца да падпісаньня дзяржавамі-чальцамі новая Дамова аб гандлі ўзбраеньнямі.
Астана. Заканчэньне візыту ў Казахстан кіраўніка Эўракамісіі Жазэ Мануэля Барозу.
Ташкент. Адкрыцьцё Офісу НАТО ў Цэнтральнай Азіі.
Екацерынбург. Адкрыцьцё саміту Эўразьвяз-Расея.
ГЭТЫ ДЗЕНЬ У ГІСТОРЫІ
1875 – памёр Жорж Бізэ, францускі кампазытар.
1899 – памёр Ёган Штраўс, аўстрыйскі кампазытар.
1911 – нарадзілася Ганна Сапрыка беларуская пісьменьніца, перакладчыца.
1912 – на хутары Акопы на Лагойшчыне Янка Купала паставіў апошнюю кропку ў сваёй славутай камэдыі «Паўлінка».
1915 – нарадзіўся Адольф Гугель, беларускі мастак.
1924 – памёр Франц Кафка, аўстрыйскі пісьменьнік.
1935 – нарадзіўся Васіль Зуёнак, беларускі паэт.
1936 – нарадзіўся Алесь Дзятлаў, беларускі пісьменьнік, журналіст.
1960 – памёр Уладзімер Перцаў, беларускі гісторык, акадэмік.
1963 – памёр Ян XXIII, папа рымскі.
ЦЫТАТА НА ПАМЯЦЬ
Мама «Ойча наш...» прамаўляла
I вучыла ксьціцца мяне, —
Больш малітваў мама ня знала, —
З той, адной, быць і мне ў труне.
Слоў для Бога ня трэба многа,
З Богам лепш не крычаць — памаўчаць
«Ойча наш...» — мая засьцярога,
Калі д'яблы ўвушшу верашчаць.
«Ойча наш...» — ці ў грымотах дарога,
Ці ў чарнобыльскай мляўкай цішы, —
«Ойча наш...» — я прашу толькі ў Бога
Хлеба і ўратаваньня душы.
Я ў сваіх унівэрсытэтах
He спазнаў да неба шляхоў, —
Ды здагадку меў, што ў Сусьветах
«Ойча наш...» — мой надзейны схоў.
«Ойча наш...» — тыя вочы-пытаньні,
Што на покуці ў нас жылі,
Мне і сёньня адказ патайны
Абяцаюць, ды не на зямлі...
Васіль Зуёнак, верш «Ойча наш...»