Валянціна Аліневіч распавяла Свабодзе:
«Спатканьне доўжылася толькі дзьве гадзіны, размаўлялі праз тэлефон. Пра ціск, пра нейкія новыя дрэнныя ўмовы не распавядаў, ён увогуле ня любіць скардзіцца. Сказаў, што шмат чытае, у тым ліку кнігу „Турма і здароўе“ з сэрыі „Бібліятэка Свабоды“, якую я яму даслала. Дарэчы, мне сказалі, што кнігі ўжо праз пошту даслаць яму будзе немагчыма, але „Турму і здароўе“ ён яшчэ пасьпеў атрымаць паводле старых правілаў. Нашы з бацькам лісты да яго даходзяць нармальна, а вось зь лістамі сяброў здараюцца праблемы. Перадаваў вялікую падзяку ўсім, хто добра выказаўся пра ягоную кнігу „Еду ў Магадан“, складзеную зь ягоных турэмных дзёньнікаў. Сказаў, што ня лічыць сябе літаратарам, а проста шчыра апісаў тое, што зь ім было ў турме КДБ. Выглядае схуднелым, відаць, адбіліся 20 дзён штрафнога ізалятару, якія ён адбыў у красавіку. Але бадзёрасьці духу і добрага настрою не губляе».
Адміністрацыя калёніі ў Наваполацку дазволіла бацькам палітвязьня Ігара Аліневіча перадаць яму харчовую перадачу.
Ігар Аліневіч асуджаны на 8 гадоў зьняволеньня за ўдзел у нападах на афіцыйныя будынкі ў Менску. Сваёй віны актывіст анархісцкага руху не прызнаў.
«Спатканьне доўжылася толькі дзьве гадзіны, размаўлялі праз тэлефон. Пра ціск, пра нейкія новыя дрэнныя ўмовы не распавядаў, ён увогуле ня любіць скардзіцца. Сказаў, што шмат чытае, у тым ліку кнігу „Турма і здароўе“ з сэрыі „Бібліятэка Свабоды“, якую я яму даслала. Дарэчы, мне сказалі, што кнігі ўжо праз пошту даслаць яму будзе немагчыма, але „Турму і здароўе“ ён яшчэ пасьпеў атрымаць паводле старых правілаў. Нашы з бацькам лісты да яго даходзяць нармальна, а вось зь лістамі сяброў здараюцца праблемы. Перадаваў вялікую падзяку ўсім, хто добра выказаўся пра ягоную кнігу „Еду ў Магадан“, складзеную зь ягоных турэмных дзёньнікаў. Сказаў, што ня лічыць сябе літаратарам, а проста шчыра апісаў тое, што зь ім было ў турме КДБ. Выглядае схуднелым, відаць, адбіліся 20 дзён штрафнога ізалятару, якія ён адбыў у красавіку. Але бадзёрасьці духу і добрага настрою не губляе».
Адміністрацыя калёніі ў Наваполацку дазволіла бацькам палітвязьня Ігара Аліневіча перадаць яму харчовую перадачу.
Ігар Аліневіч асуджаны на 8 гадоў зьняволеньня за ўдзел у нападах на афіцыйныя будынкі ў Менску. Сваёй віны актывіст анархісцкага руху не прызнаў.
