Лінкі ўнівэрсальнага доступу

Ужо сёньня, 30 траўня: Гадавіна «Крывавага сьвята», дзень памяці Жанны д'Арк і Вальтэра


Вальтэр

Вальтэр

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

Менск, онлайн-канфэрэнцыя міністра юстыцыі Алега Сьліжэўскага на сайце міністэрства.

Менск, музэй сучаснага выяўленчага мастацтва, прэсавая канфэрэнцыя, прысьвечаная праекту «Мастак і горад. Казімір Малевіч». Пачатак у 13.00.

Горадня, катэдральны сабор Сьвятога Францыска Ксавэрыя, урачыстасьць Найсьвяцейшага Цела і Крыві Гасподняй. У сьвяткаваньні возьме ўдзел Апостальскі Нунцый у Беларусі арцыбіскуп Клаўдыё Гуджэроці. Служба пачнецца ў 18.00.

ГЭТЫ ДЗЕНЬ У ГІСТОРЫІ

1416 – спалены на вогнішчы Геранім Праскі, чэскі рэлігійны дзяяч, паплечнік Яна Гуса.

1431 – спаленая на вогнішчы Жанна д'Арк, нацыянальная гераіня Францыі і каталіцкая сьвятая.

1778 – памёр Вальтэр, францускі філёзаф.

1814 – высылка Напалеона на востраў Эльба.

1814 – нарадзіўся Міхаіл Бакунін, расейскі рэвалюцыянэр, пачынальнік анархізму.

1826 – нарадзіўся Зыгмунт Серакоўскі, адзін з кіраўнікоў паўстаньня 1863–1864 у Беларусі і Літве.

1829 – памёр Францішак Сапега, удзельнік паўстаньня 1794 году.

1876 – расейскі імпэратар Аляксандр II падпісаў Эмскі ўказ, якім забараніў друкаваць на ўкраінскай мове арыгінальныя творы і пераклады, даваць сцэнічныя паказы, чытаць лекцыі на ўкраінскай мове, а таксама ўвозіць украінскія выданьні з-за мяжы.

1896 – нарадзіўся Канстанцін Саньнікаў, беларускі і савецкі рэжысэр, актор, адзін з заснавальнікаў Купалаўскага тэатру, дзед палітыка Андрэя Саньнікава.

1927 – нарадзіўся Вітаўт Кіпель, дзяяч беларускай дыяспары ў ЗША, навуковец і выдавец, дырэктар Беларускага інстытуту навукі і мастацтва ў Нью-Ёрку.

1999 – адбылася трагічная цісканіна ў пераходзе станцыі мэтро «Няміга» у Менску, загінулі 53 чалавекі. Сваю баляду пра гэтае здарэньне Аляксандар Памідораў назваў «Крывавае сьвята».

ЦЫТАТА ДНЯ

Калі б бога не існавала, яго трэба было б выдумаць.

Вальтэр
XS
SM
MD
LG