Лінкі ўнівэрсальнага доступу

logo-print

Ужо сёньня, 27 траўня: брыфінг пра Беларусь у Жэнэве, прэзэнтацыя кнігі Галіны Каржанеўскай


Родная хата Ўладзімера Жылкі ў вёсцы Макашы каля чыгуначнай станцыі Гарадзея пад Нясьвіжам.

Родная хата Ўладзімера Жылкі ў вёсцы Макашы каля чыгуначнай станцыі Гарадзея пад Нясьвіжам.

Бліц-агляд падзеяў і тэмаў у Беларусі, сьвеце, гісторыі.

Сёньня ў Беларусі і сьвеце

У Жэнэвэ — пачатак сэсіі Рады правоў чалавека ААН (да 14 чэрвеня). Сярод іншых будзе абмяркоўвацца і беларускае пытаньне. 27 траўня — брыфінг па сытуацыі ў Беларусі, 4 чэрвеня — выступ спэцдакладчыка па Беларусі Міклаша Харасьці.

У Бішкеку — саміт кіраўнікоў дзяржаваў АДКБ сярэднеазіяцкага рэгіёну.

У Менскай абласной бібліятэцы імя Пушкіна (вул. Гікалы, 4) адбудзецца прэзэнтацыя кнігі Галіны Каржанеўскай «Што варта радасьці і сьлёз...» «Біяграфія ў вершах і нарысах» — так акрэсьліваецца жанр кнігі. Пачатак у 17.30. Уваход вольны.

У кнігарні логвінаЎ — апошні дзень выставы «Экспартны варыянт. Беларуская літаратура ў замежных перакладах». Наведнікі маюць апошні шанец азнаёміцца з выданьнямі сучаснай беларускай літаратуры на іншых мовах. Васіль Быкаў, Уладзімір Караткевіч, Ларыса Геніюш, Уладзімер Арлоў, Уладзімір Някляеў, Андрэй Хадановіч, Наталка Бабіна, Барыс Пятровіч, Артур Клінаў і Адам Глобус у ангельскіх, польскіх, украінскіх, нямецкіх, чэскіх, швэдзкіх, расейскіх перакладах.

У Горадні — канцэрт расейскага сьпевака Аляксандра Разэнбаўма. Канцэртная пляцоўка «новы замак», 19:00

Гэты дзень у гісторыі:

1633 — памёр Мялецій Сматрыцкі, царкоўны, грамадзка-палітычны дзеяч, беларускі пісьменьнік-палеміст.

1836 — нарадзіўся Валеры Ўрублеўскі, адзін з кіраўнікоў паўстаньня 1863–1864 г.г.

1847 — нарадзіўся Якуб Наркевіч-Ёдка, прыродазнавец, вынаходнік, мэдык.

1859 — нарадзіўся Лазар Замэнгоф (г. Беласток), лекар, вынаходнік мовы эспэранта, некаторы час жыў у Горадні.

1871 — у Парыжы быў расстраляны вэрсальцамі Кастусь Далеўскі. У часе паўстаньня Каліноўскага ён быў камандзірам атраду на Ковеншчыне. Пасьля паразы паўстанцаў здолеў перабрацца ў Францыю, дзе пасябраваў зь Яраславам Дамброўскім і далучыўся да парыскіх камунараў. Загінуў у 34 гады.

1891 — памёр Аляксандар Ходзька, паэт, фальклярыст, усходазнавец.

1900 — у вёсцы Макашы каля чыгуначнай станцыі Гарадзея пад Нясьвіжам нарадзіўся беларускі паэт Уладзімер Жылка.

1918 — Рада Беларускай Народнай Рэспублікі на чале з Антонам Луцкевічам пераехала зь Вільні ў Горадню, дзе заставалася да верасьня 1919 г.

1919 — нарадзілася актрыса Галіна Макарава.

1924 — памёр Леў Бакст (Розенберг Леў), ураджэнец Горадні, парыскі жывапісец і графік, тэатральны мастак, заканадавец моды.

1925 — у Атэнах (Грэцыя) памёр Зыгмунт Мінейка, удзельнік паўстаньня 1863–1864 гг., грэцкі грамадзкі дзеяч, этнограф, калекцыянзр, мэмуарыст.

1957 — нарадзіўся Алег Латышонак, беларускі і польскі гісторык, доктар гістарычных навук, старшыня Беларускага гістарычнага таварыства ў Польшчы.

1990 — нарадзіўся Мікіта Ліхавід, беларускі палітычны актывіст, асуджаны за ўдзел у дэманстрацыі пратэсту супраць вынікаў прэзыдэнцкіх выбараў 19 сьнежня 2010 году.

Цытата на памяць:

Бывай, мой ранак срэбраросы!
Бывай, мой дзень клапот, пакут!
Прайшоўшы сьвет разьдзетым, босым,
Пара падумаць i пра кут:
На могiлках зацiшных Росы
Хачу спачыць ад каламут.
Сачыцьмуць мой спакой найпiльней
Муры старой, каханай Вiльнi.

Уладзімер Жылка
XS
SM
MD
LG