Лінкі ўнівэрсальнага доступу

Генсек Рады Эўропы спадзяецца, што Беларусь стане членам РЭ


Генэральны сакратар Рады Эўропы Торб’ёрн Ягланд спадзяецца, што Беларусь неўзабаве далучыцца да Эўрапейскай канвэнцыі аб правах чалавека.

На прэсавай канфэрэнцыі ў цэнтральным офісе «Інтэрфаксу» у сераду, 22 траўня, Ягланд сказаў, цяпер ідзе працэс далучэньня Эўразьвязу да Эўрапейскай канвэнцыі аб правах чалавека, і калі гэтая міжнародная структура затым далучацца да Хартыі Эўрапейскага суду па правах чалавека, то практычна ўсе краіны Эўропы, апрача Беларусі, будуць ахопленыя ў прынцыпамі Рады Эўропы.

Але, сказаў Ягланд, «я спадзяюся, што і Беларусь таксама стане сябрам Рады Эўропы». Ягланд спадзяецца, што ратыфікуе Эўрапейскую канвэнцыю па правах чалавека.

Таксама сёньня Ягланд выступіў пашыраным пасяджэньні Камітэту расейскай Дзярждумы па міжнародных справах. Там ён, у прыватнасьці, сказаў:

«Перамогай для ўсёй Эўропы зьяўляецца наяўнасьць канвэнцыі, наяўнасьць сыстэм абароны правоў чалавека, якая распаўсюджваецца на 47 краін і, я спадзяюся, будзе распаўсюджвацца ў будучыні і на Беларусь».

Беларусь — адзіная эўрапейская краіна, якая не ўваходзіць у Раду Эўропы. Асноўным перашкодай для ўваходжаньня зьяўляецца наяўнасьць у краіне сьмяротнага пакараньня. У 1993 годзе беларускі парлямэнт атрымаў статус спэцыяльнага запрошанага ў Парлямэнцкай асамблеі Рады Эўропы (ПАРЭ), але ўжо ў 1996-м быў пазбаўлены гэтага статусу пасьля рэфэрэндуму, які ўзаконіў сьмяротнае пакараньне.

У чэрвені 2009 году ПАРЭ прыняла рэзалюцыю аб вяртаньні Беларусі статусу спэцыяльна запрошанага пры ўмове адмены сьмяротнага пакараньня ці ўвядзеньня мараторыю на яго. Аднак ужо ў наступным годзе ў Беларусі адбыліся новыя пакараньні, пасьля чаго ПАРЭ афіцыйна рэкамэндавала сваім членам не наведваць краіну.

Пасьля расстрэлу ў 2012 годзе Дзьмітрыя Канавалава і Ўладзіслава Кавалёва, абвінавачаных у тэракце ў мінскім мэтро, Турб’ёрн Ягланд заявіў: «Наяўнасьць у Беларусі сьмяротнага пакараньня не дазваляе ёй мець які-небудзь статус у рамках Рады Эўропы».

Паводле агенцтваў «Интерфакс-запад» і БелаПАН.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG