Міністар юстыцыі Францыі Крысьціян Табіра заявіла, што першыя аднаполыя шлюбы могуць быць заключаны ўжо ў чэрвені.
Аднак праціўнікі новага закона заяўляюць, што будуць працягваць сваю барацьбу, і плянуюць правесьці чарговую дэманстрацыю пратэсту ў канцы траўня.
17 траўня Канстытуцыйная рада Францыі адхіліла пазоў з патрабаваньнем накласьці вета на нядаўна прыняты закон аб легалізацыі аднаполых шлюбаў, пададзены партыяй экс-прэзыдэнта Нікаля Сарказі Саюз народнага руху. Рада не угледзела ў ім супярэчнасьцяў канстытуцыйным прынцыпам, асноўным правам і свабодам асобы і нацыянальнага сувэрэнітэту.
Даведаўшыся пра вэрдыкт Канстытуцыйнай рады, прэзыдэнт-сацыяліст Франсуа Алянд заявіў, што "для сябе ўсё вырашыў" і "настаў час выконваць закон Рэспублікі".
Такім чынам, юрыдычна ў спрэчцы пастаўлена апошняя кропка, але грамадзкая думка застаецца падзеленай, асабліва ў пытаньні аб усынаўленьнi дзяцей аднаполымі парамі.
У сваёй пастанове Канстытуцыйная рада адзначыла, што такое права прызнаецца за імі ў прынцыпе, але не гарантуецца. Кожны выпадак трэба разглядаць індывідуальна, ставячы ў аснову інтарэсы дзіцяці.
Паводле апытаньняў, аднаполыя шлюбы падтрымліваюць каля 60% французаў, а ўсынаўленьне імі дзяцей - каля паловы, перадае ВВС.
Аднак праціўнікі новага закона заяўляюць, што будуць працягваць сваю барацьбу, і плянуюць правесьці чарговую дэманстрацыю пратэсту ў канцы траўня.
17 траўня Канстытуцыйная рада Францыі адхіліла пазоў з патрабаваньнем накласьці вета на нядаўна прыняты закон аб легалізацыі аднаполых шлюбаў, пададзены партыяй экс-прэзыдэнта Нікаля Сарказі Саюз народнага руху. Рада не угледзела ў ім супярэчнасьцяў канстытуцыйным прынцыпам, асноўным правам і свабодам асобы і нацыянальнага сувэрэнітэту.
Даведаўшыся пра вэрдыкт Канстытуцыйнай рады, прэзыдэнт-сацыяліст Франсуа Алянд заявіў, што "для сябе ўсё вырашыў" і "настаў час выконваць закон Рэспублікі".
Такім чынам, юрыдычна ў спрэчцы пастаўлена апошняя кропка, але грамадзкая думка застаецца падзеленай, асабліва ў пытаньні аб усынаўленьнi дзяцей аднаполымі парамі.
У сваёй пастанове Канстытуцыйная рада адзначыла, што такое права прызнаецца за імі ў прынцыпе, але не гарантуецца. Кожны выпадак трэба разглядаць індывідуальна, ставячы ў аснову інтарэсы дзіцяці.
Паводле апытаньняў, аднаполыя шлюбы падтрымліваюць каля 60% французаў, а ўсынаўленьне імі дзяцей - каля паловы, перадае ВВС.
