Лінкі ўнівэрсальнага доступу

logo-print

Жамансарыеў: Лукашэнка пакрывае злачынцу-ўцекача


Асунбек Жамансарыеў

Асунбек Жамансарыеў

Шэраг грамадзкіх арганізацыяў Кіргізстану мае намер сустрэць кіраўніка Беларусі Аляксандра Лукашэнку ў Бішкеку мітынгамі і акцыямі пратэсту з патрабаваньнем выдаць зрынутага прэзыдэнта Курманбека Бакіева.

Пра гэта агенству КирТАГ паведаміў старшыня грамадзкага аб’яднаньня «Мекен шэітэры» Асунбек Жамансарыеў.

«Уся ўсясьветная супольнасьць і краіны СНД павінны ведаць, што Лукашэнка пакрывае злачынцу-ўцекача», — заявіў Жамансарыеў.

Паводле актывіста, грамадзкія арганізацыі таксама маюць намер уступіць у дыялёг з прадстаўнікамі пасольстваў ЗША, Вялікабрытаніі й Беларусі.

«У нас ёсьць шмат пытаньняў да ўладаў гэтых краін. І ўсе пытаньні зьвязаныя з ўкрывальніцтвам прадстаўнікоў сям’і Бакіева», — заявіў Жамансарыеў.

27–28 траўня ў Бішкеку адбудзецца саміт кіраўнікоў дзяржаў АДКБ. Расейскі палітоляг Андрэй Суздальцаў прагназаваў, што «на маргінэсе» саміту будзе ўзьнятае пытаньне аб выдачы Бакіевых.

Андрэй Суздальцаў

Андрэй Суздальцаў

«Натуральна, будуць пратэсты, і гэта праблема для Лукашэнкі. Трэба, перш за ўсё, улічваць палітычную сытуацыю ў Кіргізстане. Новы прэзыдэнт зацікаўлены ў легітымнасьці і ўстойлівасьці сваёй улады. У гэтым пляне яму патрэбныя судовыя працэсы ў дачыненьні да папярэдняга палітычнага рэжыму. Грамадзкасьць і ўлады ўсімі сіламі будуць дамагацца выдачы Курманбека і Жаныбека Бакіевых кіргіскаму правасудзьдзю», — сказаў палітоляг.

Экс-прэзыдэнт Курманбек Бакіеў і яго брат, асуджаныя завочна судом Кіргізстану, хаваюцца ў Беларусі.
XS
SM
MD
LG