Лінкі ўнівэрсальнага доступу

Фэдэральная служба бясьпекі Расеі абвясьціла аб затрыманьні амэрыканскага шпіёна. Такім нібыта аказаўся трэці сакратар палітычнага аддзелу амбасады ЗША ў Маскве Фогл Раян Крыстафэр.

Сьцьвярджаецца, што гэта «кадравы супрацоўнік Цэнтральнага разьведвальнага ўпраўленьня ЗША».

Паводле афіцыйнага паведамленьня, яго затрымалі ў ноч з 13 на 14 траўня пры спробе завэрбаваць прадстаўніка расейскіх спэцслужбаў. Ён, як на замову, быў забясьпечаны ўсімі шпіёнскімі атрыбутамі: спэцыяльнымі тэхнічнымі сродкамі, пісьмовымі інструкцыямі для таго грамадзяніна, якога вэрбаваў, і нават прыладамі для зьмены зьнешнасьці.

Затрыманы пабываў у прыёмнай ФСБ РФ, а потым пасьпяхова быў дастаўлены ў амэрыканскую амбасаду. Прэс-служба пасольства абяцае трымаць Радыё Свабода ў курсе падзей.
XS
SM
MD
LG