Лукашэнка ня хоча сабе помніка

Аляксандар Лукашэнка заявіў, што ён праціўнік стварэньня помнікаў палітычным дзеячам, у тым ліку цяперашняму кіраўніку дзяржавы.

«Я катэгарычна супраць помніка першаму прэзыдэнту краіны. Хоць прапаноў было столькі, ляпілі ўжо столькі... Гэта наша праца, вы трымайце мяне, як прэзыдэнта, плаціце зарплату. Помнік для якога-небудзь дзеяча павінен быць у мазгах людзей», — цытуе Лукашэнку Інтэрфакс.

Заява прагучала падчас цырымоніі пачатку будаўніцтва жыльлёвага комплексу «Магістар» для навуковай і творчай інтэлігенцыі.