Мэмарандум аб супрацы падпісалі 4 траўня ў Менску Палата прадстаўнікоў Нацыянальнага сходу Беларусі і Рада народных прадстаўнікоў Інданэзіі.
Подпісы пад дакумэнтам паставілі старшыня Палаты прадстаўнікоў Уладзімір Андрэйчанка і сьпікер Рады народных прадстаўнікоў Інданэзіі Марзукі Алі.
«Гэты візыт важны, і ня толькі ў пляне разьвіцьця двухбаковых адносінаў. Інданэзія зьяўляецца для Беларусі значным партнэрам у прасоўваньні нашай краіны ў рэгіёне Паўднёва-Усходняй Азіі», — заявіў Андрэйчанка.
«Мы падпісалі мэмарандум і, значыць, будзем больш цесна супрацоўнічаць профільнымі камісіямі па пытаньнях заканатворчасьці, будзе таксама падтрымка ў розных міжнародных арганізацыях», — цытуе беларускага сьпікера дзяржаўнае агенцтва БелТА.
Беларускія і інданэзійскія парлямэнтары абмеркавалі шэраг пытаньняў, у тым ліку аб стварэньні рабочай групы ў парлямэнце Інданэзіі па супрацы з парлямэнтам Беларусі. У беларускім парлямэнце аналягічная рабочая група ўжо працуе.
«Абмеркавана пытаньне аб адкрыцьці пасольства Інданэзіі ў Беларусі, давання права беларускім грамадзянам атрымліваць візы ў аэрапортах і марскіх портах Інданэзіі. Дамовіліся паскорыць ратыфікацыю пагадненьняў, якія былі падпісаныя падчас візыту прэзыдэнта Беларусі ў Інданэзію», — паведаміў Андрэйчанка.
Подпісы пад дакумэнтам паставілі старшыня Палаты прадстаўнікоў Уладзімір Андрэйчанка і сьпікер Рады народных прадстаўнікоў Інданэзіі Марзукі Алі.
«Гэты візыт важны, і ня толькі ў пляне разьвіцьця двухбаковых адносінаў. Інданэзія зьяўляецца для Беларусі значным партнэрам у прасоўваньні нашай краіны ў рэгіёне Паўднёва-Усходняй Азіі», — заявіў Андрэйчанка.
«Мы падпісалі мэмарандум і, значыць, будзем больш цесна супрацоўнічаць профільнымі камісіямі па пытаньнях заканатворчасьці, будзе таксама падтрымка ў розных міжнародных арганізацыях», — цытуе беларускага сьпікера дзяржаўнае агенцтва БелТА.
Беларускія і інданэзійскія парлямэнтары абмеркавалі шэраг пытаньняў, у тым ліку аб стварэньні рабочай групы ў парлямэнце Інданэзіі па супрацы з парлямэнтам Беларусі. У беларускім парлямэнце аналягічная рабочая група ўжо працуе.
«Абмеркавана пытаньне аб адкрыцьці пасольства Інданэзіі ў Беларусі, давання права беларускім грамадзянам атрымліваць візы ў аэрапортах і марскіх портах Інданэзіі. Дамовіліся паскорыць ратыфікацыю пагадненьняў, якія былі падпісаныя падчас візыту прэзыдэнта Беларусі ў Інданэзію», — паведаміў Андрэйчанка.
