Лінкі ўнівэрсальнага доступу

Абама зноў абяцае закрыць турму ў Гуантанама


Прэзыдэнт ЗША Барак Абама паўтарыў колішняе абяцаньне закрыць турму ў Гуантанама на Кубе. У адказ праваабарончая арганізацыя «Міжнародная амністыя» заклікала да дзеяньняў, а ня словаў.

Каля 100 вязьняў Гуантанама працягваюць галадоўку, некаторых зь іх амэрыканскія вайскоўцы кормяць гвалтоўна. Абама абараняў гэтае рашэньне, тлумачачы, што не жадае, каб нехта са зьняволеных памёр.

Цэнтар для затрыманых у Гуантанама быў створаны ў 2002 годзе для ўтрыманьня замежных грамадзян, падазраваных у тэрарызме. Цяпер там трымаюць 166 вязьняў. Абама ўхваліў тое, каб падазраваных, якіх лічаць найбольш небясьпечнымі, судзілі вайсковыя трыбуналы, але зь цяперашніх зьняволеных толькі 9 былі асуджаныя ці атрымалі афіцыйныя абвінавачаньні.
XS
SM
MD
LG