Лінкі ўнівэрсальнага доступу

Ужо сёньня 2 траўня: гадавіна ліквідацыі бін Ладэна, дзень сьмерці Леанарда да Вінчы


Сёньня чацьвер 2 траўня. Зараз пра падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

Менск, гатэль Crowne Plaza, у рамках публічных лекцый «Лятучага ўнівэрсытэту Urbi et Orbi» зь лекцыяй «Чаму ў Літве ВКЛ дагэтуль лічыцца літоўскай дзяржавай?» выступіць літоўскі гісторык Русьціс Камунтавічус. Пачатак у 18:30

Менск, рок-клюб TNT, вул. Рэвалюцыйная, 9, канцэрт «ВЯСНА BY» — дачакаліся!«, фолк-мадэрн «Палац» Алега Хаменкі, танцы «Яварыны» і сярэднявечная музыка ад «PAWA». Пачатак а 20 гадзіне

Баку, візыт эўракамісара ў пытаньнях пашырэньня і палітыцы добрасуседзтва Стэфана Фюле ў Азербайджан

Будапэшт, візыт у Вугоршчыну міністра замежных справаў Расеі Сяргея Лаўрова

ДЗЕНЬ У ГІСТОРЫІ

1808 ― Пачатак паўстаньня ў Гішпаніі супроць напалеонаўскага панаваньня

1920 — У Менску выйшаў першы нумар часопіса «Рунь», рэдактар Янка Купала.

1933 — У нацысцкай Нямеччыне забароненая дзейнасьць усіх прафсаюзаў, кіраўнікі прафсаюзаў арыштаваныя

1977 — на чыгуначнай станцыі Крыжоўка пад Менскам адбылося сутыкненьне пасажырскага цягніка з электрычкай. Паводле афіцыйных дадзеных загінулі 22 чалавекі, паводле неафіцыйных — да 200 чалавек. Самая буйная чыгуначная катастрофа ў гісторыі Беларусі

2011 — спэцслужбы ЗША забілі ў Пакістане лідэра тэрарыстычнай сеткі «Аль-Кайда» Ўсаму бін Ладэна

У гэты дзень нарадзіліся:

1641 — Станіслаў Карвацкі, каталіцкі дзеяч, дзейнічаў у Вільні

1729 — Кацярына ІІ, расейская імпэратрыца, пры якой Вялікае Княства Літоўскае стала часткай Расейскай імпэрыі

1888 — Іван Віткоўскі, беларускі гісторык

У гэта дзень памерлі:

1519 — Леанарда да Вінчы, італьянскі мастак, архітэктар, мысьляр

2009 — Фёдар Шмакаў, беларускі актор, рэжысэр

ЦЫТАТА ДНЯ

Мне ўсё роўна, што вы думаеце, вы ўсё роўна памраце.

Усама бін Ладэн
XS
SM
MD
LG