Раней швэдзкія мэдыі неаднаразова пісалі пра акалічнасьці супрацоўніцтва TeliaSonera — буйной швэдзка-фінскай тэлекамунікацыйнай кампаніі — з уладамі Беларусі, Азэрбайджану і Ўзбэкістану.
Так, праз сваю даччыную фірму ў Беларусі — апэратара мабільнай сувязі Life :) — ЗАТ «БеСТ» (фармальна 80% яго акцыяў належыць турэцкаму апэратару Turkcell, галоўны акцыянэр якога — TeliaSonera) кампанія, паводле швэдзкіх журналістаў, добра паспрыяла беларускаму рэжыму падчас прэзыдэнцкіх выбараў 2010 году. Тады Life :) здала ўладам поўную інфармацыю пра перапіску, званкі, месцазнаходжаньне, перамяшчэньні апанэнтаў рэжыму.
Ва Ўзбэкістане TeliaSonera ў 2007 годзе набыла ліцэнзіі на сувязь 3G усяго за 320 даляраў у зарэгістраванай ў Гібралтары ўзбэцкай кампаніі «Такілант». Такія ліцэнзіі можа выдаваць толькі ўрад, а кіраўніца кампаніі «Такілант», Гаянэ Авакян, — блізкая сябра кіроўнай ва Ўзбэкістане сям’і Карымавых. Таму ўзьніклі падазрэньні ў хабары.
Ужо пасьля таго, як гэтая гісторыя патрапіла ў мэдыі, банк Nordea ў 2011 годзе прыняў ад узбэцкіх грамадзян дэпазыты на $31 мільён на рахунак Гаянэ Авакян, што парушае швэдзкія правілы кантролю за «адмываньнем» грошай.
Тым часам вядомы швэдзкі праваабаронца, кіраўнік арганізацыі Östgruppen Марцін Угла піша ў сваім блогу, што кампанія Mozilla, якая найбольш вядомая сваім інтэрнэт-браўзэрам Firefox, пагражае пазбавіць TeliaSonera гэтак званага SSL-сэртыфікату. Такі сэртыфікат сьведчыць, што вэб-сайты гарантуюць ад злоўжываньня дадзенымі карыстальніка. Паводле Марціна Углы, прычына менавіта ў тым, што TeliaSonera давала гэтыя дадзеныя спэцслужбам у аўтарытарных краінах, такіх як Беларусь.
Улічваючы, што Firefox цяпер выкарыстоўваюць каля 20 адсоткаў інтэрнэт-наведнікаў у сьвеце, гэта быў бы моцны ўдар па фінансах TeliaSonera. Цяпер яшчэ ідуць перамовы паміж TeliaSonera і Mozilla, піша Марцін Угла, але гэта цікавае развіцьцё падзеяў, і, магчыма, гэта прымусіць TeliaSonera браць на сябе большую маральную адказнасьць у будучыні, хаця б з чыста камэрцыйных прычынаў.
Так, праз сваю даччыную фірму ў Беларусі — апэратара мабільнай сувязі Life :) — ЗАТ «БеСТ» (фармальна 80% яго акцыяў належыць турэцкаму апэратару Turkcell, галоўны акцыянэр якога — TeliaSonera) кампанія, паводле швэдзкіх журналістаў, добра паспрыяла беларускаму рэжыму падчас прэзыдэнцкіх выбараў 2010 году. Тады Life :) здала ўладам поўную інфармацыю пра перапіску, званкі, месцазнаходжаньне, перамяшчэньні апанэнтаў рэжыму.
Ва Ўзбэкістане TeliaSonera ў 2007 годзе набыла ліцэнзіі на сувязь 3G усяго за 320 даляраў у зарэгістраванай ў Гібралтары ўзбэцкай кампаніі «Такілант». Такія ліцэнзіі можа выдаваць толькі ўрад, а кіраўніца кампаніі «Такілант», Гаянэ Авакян, — блізкая сябра кіроўнай ва Ўзбэкістане сям’і Карымавых. Таму ўзьніклі падазрэньні ў хабары.
Ужо пасьля таго, як гэтая гісторыя патрапіла ў мэдыі, банк Nordea ў 2011 годзе прыняў ад узбэцкіх грамадзян дэпазыты на $31 мільён на рахунак Гаянэ Авакян, што парушае швэдзкія правілы кантролю за «адмываньнем» грошай.
Тым часам вядомы швэдзкі праваабаронца, кіраўнік арганізацыі Östgruppen Марцін Угла піша ў сваім блогу, што кампанія Mozilla, якая найбольш вядомая сваім інтэрнэт-браўзэрам Firefox, пагражае пазбавіць TeliaSonera гэтак званага SSL-сэртыфікату. Такі сэртыфікат сьведчыць, што вэб-сайты гарантуюць ад злоўжываньня дадзенымі карыстальніка. Паводле Марціна Углы, прычына менавіта ў тым, што TeliaSonera давала гэтыя дадзеныя спэцслужбам у аўтарытарных краінах, такіх як Беларусь.
Улічваючы, што Firefox цяпер выкарыстоўваюць каля 20 адсоткаў інтэрнэт-наведнікаў у сьвеце, гэта быў бы моцны ўдар па фінансах TeliaSonera. Цяпер яшчэ ідуць перамовы паміж TeliaSonera і Mozilla, піша Марцін Угла, але гэта цікавае развіцьцё падзеяў, і, магчыма, гэта прымусіць TeliaSonera браць на сябе большую маральную адказнасьць у будучыні, хаця б з чыста камэрцыйных прычынаў.
