Лінкі ўнівэрсальнага доступу

Кіпр просіць Эўразьвяз уратаваць краіну


Прэзыдэнт Кіпру Нікас Анастасіядзіс заяўляе, што будзе прасіць Эўрапейскі зьвяз аб дадатковай дапамозе для сваёй краіны. Паводле яго, ён падрыхтаваў ліст да старшыні Эўракамісіі Жузэ Мануэла Барозу і прэзыдэнта Эўрапейскай Рады Германа ван Ромпэя.

У лісьце гаворыцца пра «неабходнасьць зьмены палітыкі Эўразьвязу па Кіпры шляхам выдзяленьня яму дадатковай дапамогі». Ён не ўдакладніў, пра якую менавіта дапамогу ідзе гаворка. Сёньня ў ірляндзкім Дубліне сустракаюцца міністры фінансаў краінаў зоны эўра. Тэмай перамоваў будзе кіпрскае пытаньне.

Кіпр быў першай краінай у зоне эўра, якая ўвяла жорсткія, але супярэчлівыя захады для напаўненьня бюджэту, паводле якіх, у прыватнасьці, панясуць значныя страты буйныя фундатары двух найбуйнейшых камэрцыйных банкаў краіны.

Таксама былі ўведзеныя часовыя валютныя абмежаваньні. Дзякуючы гэтым захадам, Кіпр пазьбег фінансавага дэфолту і магчымага выключэньня з зоны эўра, атрымаўшы 10 мільярдаў эўра ад Эўразьвязу, Эўрапейскага цэнтральнага банку і Міжнароднага валютнага фонду.
XS
SM
MD
LG