Лінкі ўнівэрсальнага доступу

Здымак у інтэрнэце стаў падставай для справы


Міліцыя завяла адміністрацыйную справу супраць актывістаў мястэчка Бярозаўка Лідзкага раёну, убачыўшы на сайце Радыё Рацыя здымак зь іхняй акцыі на Дзень Волі.

Міліцыянты ўжо апыталі актывістаў, але дату суду яшчэ не назвалі.

25 сакавіка ў Воранаве ўшанавалі памяць генэрала БНР Кіпрыяна Кандратовіча.

Паводле актывіста Сяргея Трафімчыка, магілу генэрала Кандратовіча, якая недалёка ад праваслаўнай царквы ў Воранаве, актывісты з розных гарадоў Беларусі адведваюць штогод.

Сёлета на Дзень Волі ўсе, хто прыбіраў магілу генэрала, ускладаў кветкі і запальваў зьнічы, разам сфатаграфаваліся з разгорнутым бел-чырвона-белым сьцягам.

На могілках у той час, паводле Трафімчыка, нікога не заўважылі. Але пасьля таго як здымак зьявіўся ў інтэрнэце, актывістаў апыталі міліцыянты. Яны ж і сказалі актывістам, што на іх заведзена адміністрацыйная справа — іх вінавацяць у правядзеньні несанкцыянаванай акцыі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG