Лінкі ўнівэрсальнага доступу

Людміла Класкоўская: «Унучка ў бясьпечным месцы»


Міраслава Навумовіч

Міраслава Навумовіч

Маці Вольгі Класкоўскай Людміла сьцьвярджае, што падтрымлівае кантакт з унучкай Міраславай і робіць усё магчымае, каб як найхутчэй вылецець у Стакгольм.

Дзе цяпер меншы ўнук Адэм, Класкоўскай невядома.

Людміла Класкоўская: «Я толькі што размаўляла са сваёй унучкай Міраславай і з гаспадарамі той кватэры, дзе яна цяпер знаходзіцца. Міраслава сябе паводзіць надзіва спакойна, вельмі ўпэўнена. Больш за тое, яна мяне стрымлівае, кажа: «Бабуля Людміла, не хвалюйся за маму, усё будзе добра. Беражы сваё здароўе».

Людміла кажа, што Міраславе, якой цяпер 11 гадоў, дапамагаюць сябры сям’і і кіраўніцтва школы, у якой яна вучылася.

Паліцыя па-ранейшаму шукае Міраславу Навумовіч. Людміла Класкоўская кажа, што месцазнаходжаньне дзяўчынкі не паведамляюць, бо баяцца, што сацслужбы Швэцыі забяруць дзіця ў прытулак. Па яе словах, Вольга Класкоўская настолькі цяжка перажывала разьвітаньне зь меншым сынам Адэмам, што ня хоча паўтарэньня такога са сваёй дачкой.

Бацька Міраславы Віталь Навумовіч і ягоная маці Тацяна таксама, як і Людміла Класкоўская, гатовыя выхоўваць дзяўчынку ў Беларусі.

Вольгу Класкоўскую арыштавалі 30 сакавіка ў Швэцыі па падазрэньні ў замаху на забойства мужа.

Паказаць камэнтары

XS
SM
MD
LG