Лінкі ўнівэрсальнага доступу

Па 2 мільёны штрафу за кветкі на сьнезе


Акцыя памяці Палуты Бадуновай, 25 сакавіка 2013

Суд Навабеліцкара раёну Гомеля аштрафаваў Васіля Палякова, старшыню гомельскай абласной арганізацыі АГП, і грамадзкага актывіста Ўладзімера Шыцікава на 2 два мільёны рублёў кожнага. Палякова і Шыцікава прызналі вінаватымі ў тым, што яны парушылі правілы правядзеньня вулічных акцыяў.

25 сакавіка Палякоў, Шыцікаў і яшчэ два дзясяткі чалавек ушанавалі памяць Палуты Бадуновай. Паколькі на месцы, дзе стаяла яе хата, цяпер нічога няма, кветкі паклалі на сьнег.

Палякоў сказаў некалькі словаў пра асобу Бадуновай. А Шыцікаў трымаў пры гэтым у руках бел-чырвона-белы сьцяг.

Палута Бадунова — адна зь лідэраў Беларускай партыі сацыялістаў-рэвалюцыянэраў, сябра Рады і Народнага сакратарыяту Беларускай Народнай Рэспублікі, стаяла на пазыцыях незалежнасьці Беларусі.

Ваша меркаваньне

Паказаць камэнтары

XS
SM
MD
LG