КНДР: ракеты на ЗША падрыхтавалі да запуску

Дзяржаўныя СМІ КНДР заявілі ў чацьвер, што Кім Чэн Ун «пастанавіў, што прыйшоў час зьвесьці рахункі з амэрыканскімі імпэрыялістамі».

Заява была зроблена пасьля таго, як Злучаныя Штаты накіравалі два стэлс-бамбавіка B-2, якія здольныя несьці ядзерныя зарады, на супольныя з Паўднёвай Карэяй вучэньні.

Паўночная Карэя, якая нядаўна правяла сваё трэцяе ядзернае выпрабаваньне, пагражае выкарыстаць ядзерную зброю супраць ЗША і Паўднёвай Карэі.

Кіраўнік КНДР заявіў, што вайна «можа ўспыхнуць у любы момант».