Галасаваньне па антыкрызісным «пляне Б» у кіпрскім парлямэнце прызначана на пятніцу.
Ва ўладаў Кіпра застаецца ўсё менш часу да панядзелка — тэрміну, пасьля якога Эўрапейскі цэнтральны банк пагражае спыніць экстранае фінансаваньне.
Лічыцца, што па меншай меры траціна банкаўскіх укладаў на Кіпры — расейскага паходжаньня. Паводле ацэнкі рэйтынгавага агенцтва Moody’s, на рахунках кіпрскіх банкаў знаходзіцца 31.000.000.000 даляраў з Расеі: 12 млрд. зь іх — банкаўскі капітал, і 19 млрд. даляраў належаць кампаніям і прыватным асобам.
У аўторак парлямэнт Кіпру адхіліў антыкрызісны плян, узгоднены кіпрскім урадам з Эўразьвязам і МВФ, які прадугледжваў увядзеньне разавага падатку на дэпазыты ў якасьці ўмовы атрыманьня 10 млрд. эўра экстранай фінансавай дапамогі. Замест падатку на дэпазыты ўлады прапануюць стварыць «інвэстыцыйны фонд салідарнасьці», удзельнічаць у якім будуць арганізацыі і прыватныя асобы. Кіпрскія ўлады спадзяюцца таксама атрымаць дадатковыя сродкі за кошт прыватызацыі і павелічэньня падаткаў на прырост капіталу.
Найбуйнейшы банк Кіпру папярэдзіў, што кіпрская эканоміка знаходзіцца «на мяжы», і ёй неабходна неадкладна фінансавая дапамога Эўропы.
Эўрапейскі цэнтрабанк заявіў, што калі да панядзелка ўлады Кіпра ня прымуць антыкрызісны «плян Б», то ЭЦБ можа спыніць падтрымліваць кіпрскія банкі, што, у сваю чаргу, прывядзе да каляпсу фінансавай сыстэмы Кіпру і магчымага выхаду з эўра.
Усе кіпрскія банкі закрытыя да аўторка, ля банкаматаў выстраіліся доўгія чэргі.
Ва ўладаў Кіпра застаецца ўсё менш часу да панядзелка — тэрміну, пасьля якога Эўрапейскі цэнтральны банк пагражае спыніць экстранае фінансаваньне.
Лічыцца, што па меншай меры траціна банкаўскіх укладаў на Кіпры — расейскага паходжаньня. Паводле ацэнкі рэйтынгавага агенцтва Moody’s, на рахунках кіпрскіх банкаў знаходзіцца 31.000.000.000 даляраў з Расеі: 12 млрд. зь іх — банкаўскі капітал, і 19 млрд. даляраў належаць кампаніям і прыватным асобам.
У аўторак парлямэнт Кіпру адхіліў антыкрызісны плян, узгоднены кіпрскім урадам з Эўразьвязам і МВФ, які прадугледжваў увядзеньне разавага падатку на дэпазыты ў якасьці ўмовы атрыманьня 10 млрд. эўра экстранай фінансавай дапамогі. Замест падатку на дэпазыты ўлады прапануюць стварыць «інвэстыцыйны фонд салідарнасьці», удзельнічаць у якім будуць арганізацыі і прыватныя асобы. Кіпрскія ўлады спадзяюцца таксама атрымаць дадатковыя сродкі за кошт прыватызацыі і павелічэньня падаткаў на прырост капіталу.
Найбуйнейшы банк Кіпру папярэдзіў, што кіпрская эканоміка знаходзіцца «на мяжы», і ёй неабходна неадкладна фінансавая дапамога Эўропы.
Эўрапейскі цэнтрабанк заявіў, што калі да панядзелка ўлады Кіпра ня прымуць антыкрызісны «плян Б», то ЭЦБ можа спыніць падтрымліваць кіпрскія банкі, што, у сваю чаргу, прывядзе да каляпсу фінансавай сыстэмы Кіпру і магчымага выхаду з эўра.
Усе кіпрскія банкі закрытыя да аўторка, ля банкаматаў выстраіліся доўгія чэргі.
