Лінкі ўнівэрсальнага доступу

Лукашэнка паехаў у Санкт-Пецярбург па грошы


Лукашэнка і Пуцін

Лукашэнка і Пуцін

Сёньня там заплянаванае пасяджэньне Вышэйшага дзяржсавету Саюзнай дзяржавы, які ўзначальвае Лукашэнка. У Санкт-Пецярбург прыедзе і Уладзімір Пуцін.

Як перадае БелТА, на парадку дня дзесяць пытаньняў што да бюджэту, гандлёва-эканамічных адносінаў і зьнешняй палітыкі.

Плянуецца, што перад пачаткам пасяджэньня дзяржсавету пройдзе сустрэча Пуціна і Лукашэнкі. Кіраўнік Беларусі, як паведамлялася раней, спадзяецца атрымаць ад Расеі крэдыт 2 мільярды даляраў на мадэрнізацыю беларускай эканомікі.

Пра дэталі папярэдніх дамоўленасьцяў Лукашэнка расказваў на сьнежаньскай сустрэчы са студэнтамі Беларускага ўнівэрсытэту інфарматыкі і радыёэлектронікі ў Менску.

Паводле яго словаў, расейскае кіраўніцтва абяцала разгледзець прапановы, але яго зьдзівіла тое, што хацела пры гэтым сьпіс «пажадана сумесных прадпрыемстваў».
XS
SM
MD
LG