Лінкі ўнівэрсальнага доступу

Ужо сёньня, 14 сакавіка: дзень памяці Васіля Захаркі і «Шэнгэнка»


Адкрыцьцё «Шэнгэнкі»

Адкрыцьцё «Шэнгэнкі»

Падзеі, якія сёньня маюць адбыцца ў Беларусі, і сёньняшні дзень у гісторыі.


Напярэдадні Дня Канстытуцыі ў офісе кампаніі «Гавары праўду» адбудзецца круглы стол, прысьвечаны вынікам рэфэрэндуму 1996 году. Пачатак а 11-ай.

У прыходзкім доме сабору Сьвятых Пятра і Паўла — прэзэнтацыя новых праваслаўных выданьняў на беларускай мове, а таксама абмеркаваньне магчымасьцяў выкарыстаньня беларускай мовы ў Беларускай праваслаўнай царкве.

У галерэі сучаснага мастацтва «Ў» — фэстываль сярэдняэўрапейскай літаратуры «Шэнгэнка». Пачатак а 12-ай

У Loft cafе (вул. П. Броўкі, 22) веснавы канцэрт гурту IQ48, на якім будуць прадстаўленыя кампазыцыі з будучага альбому. Пачатак а 19-ай

ГЭТЫ ДЗЕНЬ У ГІСТОРЫІ

1499 — кароль і вялікі князь Аляксандар надаў Менску Магдэбурскае права.

1633 — кароль і вялікі князь Уладзіслаў Ваза афіцыйна вызнаў праваслаўную царкву на тэрыторыі Рэчы Паспалітае.

1919 — у Нясьвіжы распачалося антыбальшавіцкае паўстаньне.

1990 — прэзыдэнтам СССР на Зьезьдзе народных дэпутатаў абраны Міхаіл Гарбачоў.

1990 — з Канстытуцыі СССР выключаны артыкул шосты аб кіруючай і ролі камуністычнай партыі.

1992 — пачатак баявых дзеяньняў Малдовы ў Прыднястроўі.

2004 — Уладзімер Пуцін другі раз абраны прэзыдэнтам Расеі

У гэты дзень нарадзіліся

1879 — Альбэрт Эйнштэйн, фізык-тэарэтык, стваральнік тэорыі рэлятыўнасьці.

1931 — Павел Дубашынскі, беларускі актор.

1931 — Павел Місько, беларускі пісьменьнік.

1957 — Лёнік Тарасэвіч, беларускі мастак у Польшчы.

1981 — Анка Упала, беларуская літаратарка.

У гэты дзень памерлі


1644 — Мікалай Сапега, ваявода менскі, ваявода берасьцейскі, кашталян віленскі

1883 — Карл Маркс, нямецкі філёзаф і эканаміст

1943 — Васіль Захарка, палітычны дзеяч і публіцыст, з 1928 па 1943 — Прэзыдэнт Рады БНР

2006 — Ленарт-Георг Мэры, эстонскі пісьменьнік і палітык, прэзыдэнт Эстоніі

Цытата на памяць




«Ёсьць толькі дзьве бясконцыя рэчы: Сусьвет і глупства. Хаця наконт Сусьвету я не зусім перакананы».

Альбэрт Эйнштэйн.
XS
SM
MD
LG