У Беларусі і ў сьвеце
У Менску - амбасадар Італьянскай Рэспублікі ў Беларусі Арнальда Абэціў у Навучальным Цэнтры Сардзінія Глобал (вул. 3 верасьня, 1 А) ўручыць прэміі лепшым выпускнікам італа-беларускай установы.
Пачатак а 10-ай.
У Страсбуры – пленарнае паседжаньне Эўрапарлямэнту.
Таксама ў гэты дзень
Эўрапейскі Дзень ахвяраў тэрарызму
Гэты дзень у гісторыі
1302 — паводле Шэксьпіра, у гэты дзень былі заручаныя Рамэа й Джульета
1401— у Радаме польскія паны выдалі другі акт Віленска–Радамскай уніі.
1985 — Міхаіл Гарбачоў быў абраны генэральным сакратаром ЦК КПСС, пасьля сьмерці Канстанціна Чарненкі.
1990 — Вярхоўны Савет Літоўскай ССР прыняў акт, якім заявіў аб выхадзе рэспублікі са складу Савецкага Саюзу.
У гэты дзень нарадзіліся
1544 — Тарквата Таса, італьянскі паэт
1887 — Алесь Гарун, беларускі паэт.
1903 — Тодар Кляшторны, беларускі паэт. Быў асуджаны пазасудовым органам НКВД 29 кастрычніка 1937 а 11:00 як «член антысавецкай арганізацыі» да вышэйшай меры пакараньня з канфіскацыяй маёмасьці.
1911 — Леў Гарошка, беларускі рэлігійны дзяяч.
У гэты дзень памерлі
1839 — Сымон Канарскі, удзельнік паўстаньня 1830—1831 гадоў, дзяяч вызвольнага руху.
1941 — Аляксандар Уласаў, грамадзкі дзяяч, рэдактар першай беларускай газэты «Наша Ніва». У 1918 годзе ўвайшоў у склад Рады Беларускай Народнай Рэспублікі, праз год аднавіў дзейнасьць Беларускага навуковага таварыства ў Вільні «Наша хатка». У кастрычніку 1939 году быў арыштаваны НКВД і перавезены ў Менск. У лістападзе 1940 году асуджаны на 5 гадоў канцлягераў за «шпіёнска-правакатарскую дзейнасьць». Памёр у зьняволеньні ў Расеі.
Цытата на памяць
"Хачу жыць,
Захлынацца і верыць.
Піць каханьня нязьведаны боль…
Дай руку мне,
Дай вусны, дай сэрца,
Дай мне воч тваіх чад-алкаголь."
Тодар Кляшторны