Лінкі ўнівэрсальнага доступу

Ужо выходныя, 9-10 сакавіка: Спартовая лоўля рыбы каля Менску; матч «Цмокі»—«Жальгірыс» у Менску; дзень народзінаў Францішка Аляхновіча


Вокладка кнігі Францішка Аляхновіча «У кіпцюрох ГПУ»
Вокладка кнігі Францішка Аляхновіча «У кіпцюрох ГПУ»

Бліц-агляд падзеяў і тэмаў у Беларусі, сьвеце, гісторыі.

У БЕЛАРУСІ І СЬВЕЦЕ:
9 сакавіка

На Вясьлярным канале Заслаўскага вадасховішча пройдуць спаборніцтвы па спартовай лоўлі рыбы зь лёду на мармышку на Кубак Рэспублікі Беларусь. У спаборніцтве возьмуць удзел 15 каманд Беларусі. Урачыстае адкрыцьцё спаборніцтваў 9 сакавіка а 11.00.

10 сакавіка

У СК «Мінск-Арэна» баскетбольны матч паміж менскімі «Цмокамі» і каўнаскім «Жальгірысам». Пачатак а 17.00.

Сольны канцэрт гурту «Re1ikt». TNT Rock Club, Рэвалюцыйная, 9, Менск. Пачатак а 21.00.

У ГЭТЫЯ ДНІ:
9 сакавіка:

1883 — нарадзіўся Францішак Аляхновіч, беларускі драматург, тэатральны дзяяч, публіцыст, які трапіў пад хвалю рэпрэсій адным зь першых, 1 студзеня 1927 году. Пра сваё знаходжаньне ў савецкіх канцлягерах напісаў успаміны «Ў кіпцюрох ГПУ». Саветы абмянялі яго на вязьня польскай турмы Браніслава Тарашкевіча.

Урыўкі са спэктаклю «Шчасьлівы муж» РТБД паводле Ф. Аляхновіча:



1890 — нарадзіўся Вячаслаў Молатаў, савецкі палітычны дзяяч.

1918 — Выканаўчы Камітэт Рады Ўсебеларускага Зьезду прыняў Другую Ўстаўную грамату.

1934 — нарадзіўся Юрый Гагарын, першы касманаўт.

Пра палёт Гагарына:



1943 — нарадзіўся Бобі Фішэр, амерыканскі чэмпіён свету па шахматах.

1953 ― памёр Мікола Равенскі, беларускі кампазытар і дырыжор, аўтар музыкі да гімну «Магутны Божа» на словы Натальлі Арсеньневай. 1962 ― Гэнік Лойка, беларускі скульптар, адзін з ініцыятараў стварэньня маладзёвага адраджэнскага руху «Беларуская Майстроўня» (1980).

Слухаць музыку Міколы Равенскага:




10 сакавіка:

1933 — нарадзіўся Серафім Андраюк, беларускі літаратуразнаўца і крытык.

1939 — у Менску, прэм’ерай першай савецкай беларускай опэры «Міхась Падгорны» Яўгена Цікоцкага, адчынены будынак Дзяpжаўнага тэатру опэpы і балету Белаpyсi.

1940 — нарадзіўся Аляксей Марачкін, беларускі мастак і грамадскі дзяяч.

1942 — нарадзіўся Міхась Ткачоў, беларускі археоляг, гісторык архітэктуры, палітычны дзяяч.

ЦЫТАТА НА ПАМЯЦЬ:

«Як для бабы не старайся,
Хоць ты працай убівайся, —
Не дагодзіш ёй ніколі,
Ёй заўсёды недаволі.
Рады не дасі кабеце —
Лад паўстаў такі на сьвеце —
Баба верх заўсёды мае,
За чупрыну нас цягае.
Дык зусім няма ў тым дзіва,
Каб ў раі жылі шчасьліва.
Пакуль баба верх не ўзяла —
Яблыкі рваць загадала.
Раптам бачыць яблынь-дрэва —
Кліча да сябе Адама,
Бо дастаць не можа сама,
Наш Адам — цялё дурное —
Замест лупцаваць за тое,
Ён на яблыньку ўзглядае,
Яблыкі для ёй зрывае.
З тэй пары няма ўжо долі —
Ўсе мы ў бабскае нядолі,
Шчасця болей не спазнаем,
Бо на карку бабу маем.»


Францішак Аляхновіч, «Як для бабы не старайся» (1931)
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG