Лінкі ўнівэрсальнага доступу

Хваля салідарнасьці: ад грамадзянаў — да палітвязьняў


Гомельскія актывісты стваранай партыі «Беларуская хрысьціянская дэмакратыя» распачалі акцыю салідарнасьці зь беларускімі палітычнымі нявольнікамі

Яны раздалі мінакам дзесяткі ўлётак з партрэтамі 14 палітвязьняў, асуджаных да турэмнага зьняволеньня ці «хіміі», і адрэсамі турмаў, дзе іх трымаюць.

Беларускія хрысьціянскія дэмакраты запрашаюць грамадзянаў напісаць лісты палітвязьням з выказваньнем ім маральнай падтрымкі.

Апоўдні паўдзесятка актывістаў БХД прыйшлі на 9 кілямэтар Чарнігаўскай шашы да пакутнага крыжа, усталяванага дзеля ўшанаваньня памяці нявінна растраляных энкавэдыстамі грамадзянаў у часы сталінскіх рэпрэсіяў. Яны трымалі партрэты цяперашніх палітвязьняў, разгарнулі сьцяг БХД і прачыталі малітву.

Каардынатар стваранай Партыі БХД у рэгіёне Юры Клімовіч паведаміў, што распачатая «Хваля салідарнасьці» пройдзе таксама ў Мазыры, Калінкавічах, Рэчыцы, Сьветлагорску й будзе доўжыцца да 25 сакавіка — Дня Волі.



Актывісты БХД ля крыжа ахвяраў сталінскіх рэпрэсіяў.
XS
SM
MD
LG