Лінкі ўнівэрсальнага доступу

«Глінянага Вялеса» атрымаў Сяргей Рублеўскі


Узнагарода ляўрэата прэміі "Гліняны Вялес"

Узнагарода ляўрэата прэміі "Гліняны Вялес"

Літаратурную прэмію «Гліняны Вялес» 2012 атрымаў Сяргей Рублеўскі за кнігу «Пасьпець надыхацца».

«Гэта досыць вядомы, але недаацэнены празаік з Віцебска. Я даўно за ім сачу, маю большасьць ягоных кніг. І кніга „Пасьпець надыхацца“ зьяўляецца сёмай у бібліяграфіі пісьменьніка і аказалася шчасьлівай — атрымала прэмію,» — сказаў сёньня Радыё Рацыя Алесь Аркуш, каардынатар Таварыства вольных літаратараў, якое заснавала штогадовую прэмію «Гліняны Вялес» у 1993 годзе.

«Гэтую кнігу можна далучыць да кніг прозы. Але яна ўтрымлівае невялікія эсэ і мініятуры. Гэтую кнігу можна параўнаць зь дзёньнікавымі запісамі. І такі жанр надае асаблівую шчырасьць кнізе Сяргея Рублеўскага,» — дадаў Алесь Аркуш.

Прэмію «Гліняны Вялес» за 2011 год атрымаў дырэктар беларускай службы Радыё Свабода Аляксандар Лукашук за кнігу «Сьлед матылька. Освальд у Менску».
XS
SM
MD
LG