Паводле папярэдніх вынікаў выбараў у італьянскі парлямэнт, падобна, абедзьве яго палаты будуць падзеленыя паміж правымі і левымі. Розьніца галасоў за кандыдатаў ад левага цэнтра і апанэнтаў з правацэнтрысцкай кааліцыі Сыльвіё Бэрлюсконі ў ніжнюю палату склала менш за адзін працэнт — 29,56% і 29,17% адпаведна.
Адрыў ў 0,4% галасоў дае ўсе падставы для пераправеркі вынікаў галасаваньня. Пра гэта ўжо заявілі кааліцыі Бэрлюсконі. У сваю чаргу прадстаўнік боку-пераможцы адзначыў, што левацэнтрысцкая кааліцыя з усёй адказнасьцю ставіцца да вынікаў выбараў.
На галасаваньні ў Сэнат (верхнюю палату) левы цэнтар набраў 31,6% галасоў, што на 1% больш, чым у правацэнтрыстаў — 30,7%. Гэтага недастаткова для таго, каб атрымаць 158 мандатаў, якія гарантуюць большасьць.
Выбары ў Італіі праходзяць на фоне глыбокай рэцэсіі і строгіх мер эканоміі. Яны азначаюць сабой вяртаньне краіны да паўнавартаснай дэмакратыі пасьля роспуску тэхнакратычнага ўрада Марыё Монці, чые спробы зрэзаць выдаткі выклікалі незадаволенасьць у грамадзтве. Аналітыкі зазначаюць,што для фармаваньня ўстойлівага ўрада можа спатрэбіцца правядзеньне перавыбараў.
Адрыў ў 0,4% галасоў дае ўсе падставы для пераправеркі вынікаў галасаваньня. Пра гэта ўжо заявілі кааліцыі Бэрлюсконі. У сваю чаргу прадстаўнік боку-пераможцы адзначыў, што левацэнтрысцкая кааліцыя з усёй адказнасьцю ставіцца да вынікаў выбараў.
На галасаваньні ў Сэнат (верхнюю палату) левы цэнтар набраў 31,6% галасоў, што на 1% больш, чым у правацэнтрыстаў — 30,7%. Гэтага недастаткова для таго, каб атрымаць 158 мандатаў, якія гарантуюць большасьць.
Выбары ў Італіі праходзяць на фоне глыбокай рэцэсіі і строгіх мер эканоміі. Яны азначаюць сабой вяртаньне краіны да паўнавартаснай дэмакратыі пасьля роспуску тэхнакратычнага ўрада Марыё Монці, чые спробы зрэзаць выдаткі выклікалі незадаволенасьць у грамадзтве. Аналітыкі зазначаюць,што для фармаваньня ўстойлівага ўрада можа спатрэбіцца правядзеньне перавыбараў.
