Лінкі ўнівэрсальнага доступу

logo-print

Прэзыдэнт Аўганістану патрабуе вываду амэрыканцаў зь дзьвюх правінцыяў


Хамід Карзай патрабуе вываду амэрыканцаў зь дзьвюх правінцыяў

Хамід Карзай патрабуе вываду амэрыканцаў зь дзьвюх правінцыяў

Прэзыдэнт Аўганістану Хамід Карзай запатрабаваў вываду спэцпадразьдзяленьняў амэрыканскіх сілаў зь дзьвюх аўганскіх правінцыяў — Вардак і Лагар у двухтыднёвы тэрмін.

Даручэньне перададзенае чыноўнікам міністэрства абароны Аўганістану на нарадзе ў пытаньнях бясьпекі, якая адбылася ў нядзелю.

Як паведаміў прэсавы сакратар аўганскага прэзыдэнта Аймаль Фаізі, амэрыканскіх вайскоўцаў і мясцовых апалчэнцаў, якія іх падтрымліваюць, абвінавачваюць у стварэньні небясьпечнай і нестабільнай абстаноўкі ў названых рэгіёнах і ў перасьледах мясцовых жыхароў. Фаізі адзначыў, у прыватнасьці, зьнікненьне дзевяці чалавек пасьля адной з спэцапэрацыяў, праведзеных амэрыканцамі ў правінцыі Вардак супраць ісламскіх экстрэмістаў.

Аўганскіх апалчэнцаў там абвінавачваюць у датычнасьці да жорсткага забойства студэнта, цела якога было абезгалоўленае.

Вайсковае камандаваньне ЗША заявіла, што вывучае абвінавачваньне «з усёй сур’ёзнасьцю».
XS
SM
MD
LG