Галасаваньне працягнецца 2 дні. Паводле апошніх апытаньняў, найбольшыя шанцы на перамогу ў левацэнтрысцкай кааліцыі на чале з П’ерам Луіджы Бэрсані, аднак, як лічаць аналітыкі, ён ня зможа заручыцца падтрымкай стабільнай большасьці ў парлямэнце для фармаваньня ўраду.
Бэрсані абяцае працягнуць курс жорсткай бюджэтнай эканоміі для пераадоленьня эканамічнай рэцэсіі. Галоўны супернік левацэнтрыстаў — правацэнтрысцкая кааліцыя Сільвіё Бэрлюсконі, які ўжо чатыры разы займаў пасаду прэм’ер-міністра.
Сёньня тры напаўголыя актывісткі ўкраінскага руху FEMEN паспрабавалі накінуцца на Сыльвіё Бэрлюсконі, калі ён прыбыў на выбарчы ўчастак у Міляне, каб прагаласаваць. На сьпінах дзяўчат быў напісаны лёзунг «Basta Berlusconi» («Хопіць, Бэрлюсконі»). Іна Шаўчэнка, Аксана Шачко і Эльвір Дзювэль-Шарлес былі адразу ж затрыманыя паліцыяй і выведзеныя на вуліцу, дзе паліцыянты зь цяжкасьцю апранулі на іх курткі і кайданкі. Пасьля былі дастаўленыя ў пастарунак.
Бэрсані абяцае працягнуць курс жорсткай бюджэтнай эканоміі для пераадоленьня эканамічнай рэцэсіі. Галоўны супернік левацэнтрыстаў — правацэнтрысцкая кааліцыя Сільвіё Бэрлюсконі, які ўжо чатыры разы займаў пасаду прэм’ер-міністра.
Сёньня тры напаўголыя актывісткі ўкраінскага руху FEMEN паспрабавалі накінуцца на Сыльвіё Бэрлюсконі, калі ён прыбыў на выбарчы ўчастак у Міляне, каб прагаласаваць. На сьпінах дзяўчат быў напісаны лёзунг «Basta Berlusconi» («Хопіць, Бэрлюсконі»). Іна Шаўчэнка, Аксана Шачко і Эльвір Дзювэль-Шарлес былі адразу ж затрыманыя паліцыяй і выведзеныя на вуліцу, дзе паліцыянты зь цяжкасьцю апранулі на іх курткі і кайданкі. Пасьля былі дастаўленыя ў пастарунак.
