«Надвячоркам кожнага дня я ўключаю прымач і шукаю „Свабоду“. Тое сталася звычаем і патрэбай душы».
Так некалі казаў наш сталы слухач, сябар і аўтар Васіль Быкаў. Многія творы гэтага вялікага пісьменьніка ўпершыню прагучалі на «Свабодзе». У студыі ён запісаў і сваю кнігу ўспамінаў «Доўгая дарога дадому».
Сотні літаратурных твораў па-беларуску, сотні песьняў у выкананьні бардаў і прафэсійных музыкаў, сучасныя мэмуары, гістарычныя, культурніцкія, філязофскія дыскусіі, якія не старэюць, а становяцца ўсё больш актуальнымі і цікавымі, бо грамадзтва абуджаецца да свабоды.
Усё гэта цяпер «Свабода» дорыць новаму пакаленьню слухачоў, якое ніколі не ўключала караткахвалевы прымач.
Калі ласка!