Лінкі ўнівэрсальнага доступу

Кітай абышоў ЗША і стаў найбуйнейшай гандлёвай дзяржавай сьвету па выніках 2012 году.

Як адзначае агенцтва Bloomberg, выхад КНР на першае месца ў сьвеце ў сукупным аб’ёме зьнешняга гандлю таварамі зьяўляецца важнай вяхой у эканамічным суперніцтве дзьвюх дзяржаў. ЗША заставаліся лідэрам усясьветнага гандлю практычна з канца другой усясьветнай вайны.

Для супастаўленьня аналітыкі агенцтва выкарыстоўвалі суму экспарту і імпарту тавараў абедзьвюх дзяржаў: для ЗША гэты паказчык у мінулым годзе быў роўны $3,82 трлн (прыкладна чвэрць ВУП, па дадзеных 2011 году), для Кітая — $3,87 трлн (больш за палову ВУП).

Экспэрты, уключаючы аналітыкаў HSBC Holdings Plc, лічылі, што выхад Кітая на першае месца адбудзецца не раней 2016 году.

Паказаць камэнтары

XS
SM
MD
LG