Лінкі ўнівэрсальнага доступу

МЗС Латвіі: Беларусь спрабуе схаваць свае праблемы


Міністар замежных спраў Латвіі Эдгар Рынкевіч

Міністар замежных спраў Латвіі Эдгар Рынкевіч

Сваімі нядаўнімі заявамі аб парушэньні правоў чалавека ў Латвіі і шэрагу іншых краін Беларусь спрабуе схаваць свае ўласныя праблемы з дэмакратыяй, сказаў міністар замежных спраў Латвіі Эдгар Рынкевіч.

«Чыя б карова мычала», — сказаў ён, камэнтуючы апублікаваную ў панядзелак заяву МЗС Беларусі аб парушэньнях правоў чалавека ў 2012 годзе ў 25 краінах, уключаючы Латвію.ў

Рынкевіч нагадаў, што ў Беларусі прыводзіцца ў выкананьне сьмяротнае пакараньне, ёсьць вельмі сур’ёзныя праблемы з дэмакратыяй і правамі чалавека, яна фактычна нават не ўваходзіць у Раду Эўропы і парушае рэкамэндацыі ўсіх міжнародных арганізацый.

Кіраўнік МЗС Латвіі лічыць, што, узяўшы за аснову інфармацыю Эўрапейскага суду па правах чалавека, зьвяртацца ў які грамадзяне самой Беларусі фактычна ня могуць, Беларусь, падобна, хоча прыхаваць свае праблемы і працягваць «традыцыю гучней крычаць аб праблемах, якія ёй варта было б вырашаць самой».

Паказаць камэнтары

XS
SM
MD
LG