Лінкі ўнівэрсальнага доступу

Дырэктарка «Белсату» — эўрапейка году


Кіраўніцтва Reader’s Digest уручае ўзнагароду дырэктарцы "Белсату" Агнешцы Рамашэўскай

Кіраўніцтва Reader’s Digest уручае ўзнагароду дырэктарцы "Белсату" Агнешцы Рамашэўскай

Прэстыжная ўзнагарода, ляўрэата якой вызначаюць супольна 20 эўрапейскіх выданьняў часопісу Reader’s Digest, прысуджаная дырэктарцы «Белсату» Агнешцы Рамашэўскай-Гузы «за кампанію на карысьць свабоды і дэмакратыі ў Беларусі», а перадусім за стварэньне адзінага незалежнага тэлеканалу «Белсат».

Ва ўрачыстасьці ўручэньня ўзнагароды ўзялі ўдзел прадстаўнікі МЗС Польшчы, кіраўніцтва часопісу ды бацькі Агнешкі Рамашэўскай-Гузы Сафія і Зьбігнеў Рамашэўскія — легендарныя апазыцыянэры часоў Польскай народнай рэспублікі.

«Я шмат разоў казала, што нашыя калегі — беларускія журналісты — гэта адныя з найлепш падрыхтаваных журналістаў у сьвеце. А іх усё запрашаюць і вучаць у розных краінах. Шмат разоў я была сьведкай гэтага. Аднак жа добра было б, каб яны яшчэ недзе маглі выкарыстаць свае здольнасьці, але няма дзе. Так і зьявілася ідэя стварыць тэлебачаньне», — сказала, сярод іншага, у часе цырымоніі спадарыня Рамашэўска.

Сёлета ўзнагарода Reader’s Digest прысуджаецца 18-ты раз. Раней яе ляўрэатамі былі, сярод іншых, Лінус Торвальдс — стваральнік апэрацыйнай сістэмы «Лінукс», Шымон Панэк — заснавальнік арганізацыі «Чалавек у нядолі».

Агнешка Рамашэўска на вокладцы Reader’s Digest

Агнешка Рамашэўска на вокладцы Reader’s Digest

XS
SM
MD
LG