Скарга Сяргея Малашэнка ў міліцыі непасрэдна зьвяўзаная зь ягоным затрыманьнем. Два дні таму яго праз тэлефон выклікалі на допыт — каб патлумачыў, як у інтэрнэце зьявіліся ягоныя фотаздымкі з партрэтам Алеся Бяляцкага.
Наваполацкі актывіст папярэдзіў, што пойдзе на допыт толькі з позваю. Калі ж позву ён знайшоў у паштовай скрыні, але на ёй не было пазначана, ні ў якой якасьці яго выклікаюць, ні ў якой справе, ён адмовіўся ісьці зноў.
«Я казаў старэйшаму ўчастковаму інспэктару, што ўсё мусіць быць паводле закону. А ён сказаў, што мне „мусіць быць дастаткова аднаго ягонага тэлефоннага званка“. І што мяне прыцягнуць гвалтам, калі я не прыйду сам. Так яно і здарылася», — распавёў актывіст.
Малашэнак знаходзіцца ў Наваполацкай міліцыі.
16 студзеня тлумачэньні ў міліцыі даваў яшчэ адзін актывіст, Яўген Парчынскі. Парчынскі і Малашэнак сфатаграфаваліся з партрэтамі Алеся Бяляцкага на ганках суду ў Наваполацку, потым Малашэнак сфатаграфаваўся адзін на ганках Наваполацкага ГАУС. Паводле актывіста, гэта было зроблена на знак салідарнасьці з палітвязьнем Алесем Бяляцкім.
Потым фота выклалі ў інтэрнэт — ужо на знак салідарнасьці з гарадзенскімі праваабаронцамі, якіх аштрафавалі паводле факту зьяўленьня падобных здымкаў у сеціве «за правядзенне несанкцыянаванай акцыі».
Наваполацкі актывіст папярэдзіў, што пойдзе на допыт толькі з позваю. Калі ж позву ён знайшоў у паштовай скрыні, але на ёй не было пазначана, ні ў якой якасьці яго выклікаюць, ні ў якой справе, ён адмовіўся ісьці зноў.
«Я казаў старэйшаму ўчастковаму інспэктару, што ўсё мусіць быць паводле закону. А ён сказаў, што мне „мусіць быць дастаткова аднаго ягонага тэлефоннага званка“. І што мяне прыцягнуць гвалтам, калі я не прыйду сам. Так яно і здарылася», — распавёў актывіст.
Малашэнак знаходзіцца ў Наваполацкай міліцыі.
16 студзеня тлумачэньні ў міліцыі даваў яшчэ адзін актывіст, Яўген Парчынскі. Парчынскі і Малашэнак сфатаграфаваліся з партрэтамі Алеся Бяляцкага на ганках суду ў Наваполацку, потым Малашэнак сфатаграфаваўся адзін на ганках Наваполацкага ГАУС. Паводле актывіста, гэта было зроблена на знак салідарнасьці з палітвязьнем Алесем Бяляцкім.
Потым фота выклалі ў інтэрнэт — ужо на знак салідарнасьці з гарадзенскімі праваабаронцамі, якіх аштрафавалі паводле факту зьяўленьня падобных здымкаў у сеціве «за правядзенне несанкцыянаванай акцыі».
