Лінкі ўнівэрсальнага доступу

Суд Тайлянду пакараў вядомага палітычнага актывіста і журналіста Соміота Пруксакасэмсука 10 гадамі зьняволеньня. Суд палічыў ягоныя публікацыі абразай для каралеўскай сям’і.

Пруксакасэмсук прызны вінаватым у тым, што парушыў закон, які забараняе абразы або пагрозы на адрас каралеўскіх асобаў.

У 2010 годзе ў часопісе, які сымпатызуе апазыцыйнага руху «чырвонакашульнікаў», былі апублікаваныя два артыкулы, якія крытыкавалі ўрад.

Аўтар артыкулаў падпісаўся псэўданімам. Таму абвінавачаньне было выстаўленае Пруксакасэмсуку, які зьяўляецца рэдактарам выданьня.

Ад красавіка 2011-га журналіст знаходзіцца ў турме. Паплечнікі кажуць, што ў зьняволеньні яго катуюць.

Абаронцы правоў чалавека лічаць, што законы Тайлянду, якія павінныя абараняць манархію, усё часьцей выкарыстоўваюцца для здушэньня свабоды слова, перадае BBC.

Паказаць камэнтары

XS
SM
MD
LG