Як паведамлялася раней, баўгарскі палітык турэцкага паходжаньня, лідар партыі «Рух за правы і свабоды» Ахмэд Даган прамаўляў на партыйным зьездзе, калі на сцэну ўварваўся невядомы мужчына і накіраваў пісталет на галаву прамоўцы. Падалося, што маладзён стрэліў, а пісталет зрабіў асечку. Пісталет быў газавым. Нападніка неадкладна схапілі і жорстка зьбілі.
Ахмэд Дэмір Даган зьяўляецца заснавальнікам і нязьменным лідэрам створанага ў 1990 годзе «Руху за правы і свабоды», які зь лібэральна-дэмакратычных пазыцыяў адстойвае інтарэсы баўгарскіх мусульманаў — галоўным чынам турак, якія складаюць 12% насельніцтва краіны. Пачынаючы з 1990 года Даган уваходзіў ва ўсе склады парлямэнту, а яго партыя атрымала статус малодшага партнэра ў дзвюх міжпартыйных кааліцыях, што фармавалі ўрад Балгарыі з 2001 па 2009 год.
У выступе, які перапыніў чалавек зь пісталетам, палітык павінен быў абвясьціць пра свой сыход на пэнсію, паведамляе Lenta.ru.
У маладога чалавека, які напаў на трыбуне на лідара баўгарскай партыі Ахмэда Дагана, быў газавы пісталет. Пра гэта паведаміла Наша Ніва са спасылкай на Эўраньюз.
Яшчэ на гэтую тэму
Самае папулярнае
1