Лінкі ўнівэрсальнага доступу

logo-print

Палітвязень Дзядок ні на што ня скардзіцца


Мікалай Дзядок

Мікалай Дзядок

Вязьня магілёўскай турмы Мікалая Дзядка наведаў адвакат, паведаміў Свабодзе бацька актывіста Аляксандар Дзядок.

«Атрымалі інфармацыю пра ўмовы, у якіх знаходзіцца Мікалай ў Магілёўскай турме. Зьмясьцілі яго ў камэру разам зь яшчэ двума вязьнямі, але больш пэўна пра тое, хто яны і за што сядзяць, нам невядома. Сын ні на што ня скардзіцца, пра ціск з боку адміністрацыі не казаў», — распавёў Аляксандар Дзядок.

У канцы 2012 году актывіст анархісцкага руху Мікалай Дзядок як злосны парушальнік рэжыму быў пераведзены са шклоўскай калёніі ў магілёўскую турму. У калёніі яго трымалі ў памяшканьні камэрнага тыпу і зьмяшчалі ў карцэр. Сваякі палітвязьня не выключаюць, што на яго ціснулі, каб дамагчыся прашэньня аб памілаваньні. У магілёўскай турме Дзядок будзе мець адно кароткатэрміновае спатканьне са сваякамі на год.

Мікалай Дзядок быў асуджаны на 4 гады зьняволеньня за ўдзел у нападах на афіцыйныя будынкі, чаго актывіст у судзе не прызнаў.
XS
SM
MD
LG