Лінкі ўнівэрсальнага доступу

logo-print

ВІЦЕБСКІЯ АПАЗЫЦЫЯНЭРЫ АДЗНАЧЫЛІ ПРЫЕЗД УЛАДЗІМЕРА ПУЦІНА Ў БЕЛАРУСЬ ЧАРГОВЫМ ПІКЕТАМ ЛЯ “СІНЯГА ДОМУ”


Браніслава Станкевіч, Віцебск

Хто-ніхто пытаўся ў апазыцыянэраў, якім чынам яны зьбіраюцца выкарыстаць сабраныя грошы. Тады спадары Плешчанка ды Салаўян тлумачылі, што зброяй сёньня ёсьць і ўлёткі, і газэты, і плякаты, вытворчасьць якіх і патрабуе немалых грашовых сродкаў.

Віцябляне адразу ж зьвязалі ў адно зьяўленьне новага пікету ды візыт на Беларусь Уладзімера Пуціна, і таму вакол пікетоўцаў увесь час узьнікалі стыхійныя мітынгі. Усё скончылася са зьяўленьнем міліцыянтаў, якіх паклікаў нехта зь пільных грамадзянаў. Уладзімера Плешчанку ды Аляксандра Салаўяна завезьлі ў пастарунак, а разам зь імі і яшчэ аднаго вядомага віцебскага апазыцыянэра Барыса Хамайду, які стаяў зь імі побач з напісаным на плякаце вершам Янкі Купалы:

Кепска, браткі, жыць нам стала!
Няма шчасьця, добрай долі,
Калі хлеб ёсьць — няма сала,
Хоць гарэлкі дык даволі.

У Чыгуначным райаддзеле міліцыі, пратрымаўшы пікетоўцаў тры гадзіны, на кожнага склалі пратакол за парушэньне закону аб правядзеньні вулічных акцыяў. Аднак грошы, ахвяраваныя на абарону беларускай незалежнасьці, забіраць ня сталі.
XS
SM
MD
LG