Лінкі ўнівэрсальнага доступу

logo-print

Міністэрства культуры ня ў стане фінансаваць міжнародны фэстываль сучаснай харэаграфіі


Браніслава Станкевіч, Віцебск

Гэтую інфармацыю, атрыманую непасрэдна зь міністэрства, агучыла падчас прэсавай канфэрэнцыі дырэктар фэстывалю Марына Раманоўская, адзначыўшы таксама, што бюджэтныя грошы на леташні фэстываль былі атрыманыя са спазьненьнем на 3 месяцы.

Пры гэтым сп. Раманоўская падкрэсьліла, што ў сёлетнім фэстывалі плянуе ўзяць удзел надзвычай вялікая колькасьць беларускіх выканаўцаў, сярод якіх харэаграфічны калектыў Унівэрсытэта культуры, праект выпускнікоў Акадэміі мастацтваў, фальклёрны тэатр «Госьціца» і шэсьць харэаграфічных студыяў з абласных цэнтраў. З-за адсутнасьці фінансаваньня з боку дзяржавы, сёлетні юбілейны,15-ты фэстываль будзе праводзіцца галоўным чынам на спонсарскія сродкі, ахвяраваныя некалькімі прыватнымі віцебскімі фірмамі.


XS
SM
MD
LG